VIDEO/ Kepi i Gjelbër ia bën ferr kampionëve të Botës, por Argjentina e Messit buzëqesh pas 120 minutash lojë

Kampionia në fuqi, Argjentina, nis fazën me eliminim direkt të Kupës së Botës 2026 me një duel ndaj një prej historive më të bukura të këtij turneu, Kepit të Gjelbër.

Ndeshja do të zhvillohet në Florida dhe vë përballë dy skuadra që e mbyllën fazën e grupeve pa humbje.

“La Albiceleste” mbërrin në këtë takim pas një ecurie perfekte në grupe, duke fituar të tre ndeshjet. Triumfi 3-1 ndaj Jordanisë vulosi një fazë grupesh ideale për ekipin e Lionel Scalonit, që ka pësuar vetëm dy gola gjatë një serie prej dhjetë fitoresh radhazi.

Argjentina u bë vetëm kampionia e tretë në fuqi në këtë shekull që arrin fazën me eliminim direkt të Botërorit dhe ka një rrugë teorikisht të favorshme drejt gjysmëfinales, pasi nuk pritet të përballet me asnjë nga dhjetë kombëtaret më të renditura në botë para katërshes së fundit.

Megjithatë, statistikat tregojnë se argjentinasit nuk duhet ta nënvlerësojnë kundërshtarin. Shtatë nga 13 ndeshjet e fundit të tyre në fazën me eliminim direkt të Botërorit kanë shkuar në kohën shtesë, ndërsa Argjentina mban rekordin për më shumë ndeshje të zgjatura në historinë e Kupës së Botës, plot 11.

Në anën tjetër, Kepi i Gjelbër është padyshim zbulimi i këtij Botërori. Kombëtarja afrikane kaloi grupin pa humbje, duke lënë pas një grup shumë të fortë me Spanjën, Uruguain dhe Arabinë Saudite, edhe pse nuk arriti asnjë fitore (tre barazime).

“Peshkaqenët Blu” u bënë kombëtarja e parë që kualifikohet nga grupi pa fituar asnjë ndeshje që nga Kili në vitin 1998. Ata janë gjithashtu debutuesit e parë që arrijnë fazën me eliminim direkt të Kupës së Botës që nga Sllovakia në vitin 2010 dhe kombëtarja e parë afrikane që e realizon këtë arritje që nga Gana në vitin 2006.

Pavarësisht se konsiderohen favoritë të mëdhenj për t’u eliminuar, Kepi i Gjelbër ka treguar se mund të sfidojë skuadrat elitare, siç dëshmoi edhe barazimi pa gola ndaj Spanjës në ndeshjen hapëse të grupit.

REZULTATI:

Argjentinë 3-2 Kepi i Gjelbër

Messi 29′, Lisandro Martinez 92′, Romero 111′ / Duarte 59′, Cabral 103′

NGJARJET KRYESORE

111′ Goool Argjentina 3-2/ Messi kroson drejt zonës dhe Romero godet me kokë duke tundur rrjetën. (Video)

105+4′ Mbyllet pjesa e parë e shtesës!

105+1′ Messi provon me një gjuajtje brenda zonës, por ndalet nga Vozinha.

105′ Akordohen 3 minuta shtesë.

103′ Goool Kepi i Gjelbër 2-2/ Cabral provon me një gjuajtje surprizë nga distanca, me topin që shkon në trekëndëshin e rrjetës. (Video)

92′ Goool Argjentina 2-1/ Lisandro Martinez gjen topin në zonë dhe me të majtën gjen rrjetën. (Video)

91′ Nis pjesa e parë e kohës shtesë!

90+9′ Mbyllet koha e rregullt. Sfida shkon në shtesë!

90+5′ Messi tenton nga goditja e dënimit, por ndalet sërish nga Vozinha.

90+2′ Paredes provon me një predhë nga distanca, por topi ndalet nga Vozinha.

90′ Akordohen 8 minuta shtesë.

87′ Mac Allister provon me një gjuajtje fluturimthi, me topin që devijohet në këndore.

73′ Messi tenton të përfitojë nga një vendosje e gabuar e Vozinhas, duke tentuar nga goditja e dënimit, por portieri i Kepit të Gjelbër arrin ta ndalë.

62′ Messi futet në zonë, por tentativa e tij ndalet nga Vozinha.

59′ Goool Kepi i Gjelbër 1-1/ Duarte merr një top në zonë dhe me një goditje me të djathtën tund rrjetën. (Video)

54′ Duarte provon me një gjuajtje  nga distanca, e cila ndalet nga Martinez.

45+4′ Mbyllet pjesa e parë!

45′ Akordohen 4 minuta shtesë.

29′ Goool Argjentina 1-0/ Messi merr një top në zonë dhe me të majtën nuk gabon para Vozinhas. (Video)

18′ Messi provon me të majtën nga goditja e dënimit, por portieri Vozinha tregohet i vëmendshëm duke ndalur topin.

15′ Messi merr një top në zonë dhe godet me të majtën, por tentativa e tij shkon jashtë kuadratit.

Top Channel