Mbi 300 doza dr*gë në rrugët e Tiranës/ Arrestohet 16-vjeçari, sekuestrohen k*kainë dhe k*nabis

Finalizohet operacioni i koduar “Hideaway”, goditet një rast i shitjes së lëndëve narkotike në doza, duke sekuestrohen mbi 300 doza të lëndëve të dyshuara narkotike Kokainë dhe Cannabis Sativa, një shumë parash e dyshuar e përfituar nga kjo veprimtari kriminale dhe 2 celularë.

Si rezultat i administrimit të shpejtë të informacioneve të siguruara në rrugë operative, për një rast të shitjes së lëndëve narkotike në doza, shërbimet e Komisariatit të Policisë Nr. 3, në bashkëpunim me Seksionin për Hetimin e Narkotikëve të DVP Tiranë, organizuan dhe finalizuan operacionin e koduar “Hideaway”.

Në kuadër të këtij operacioni u arrestua një shtetas i mitur, 16 vjeç, për veprën penale “Prodhimi dhe shitja e narkotikëve”.

Gjatë kontrollit fizik ndaj këtij shtetasi dhe kontrollit të vendit ku ai u konstatua, në rrugën “Jordan Misja”, shërbimet e Policisë gjetën sasi të lëndëve të dyshuara narkotike Kokainë dhe Cannabis Sativa, të ndara në mbi 300 doza për shitje, shuma parash në lekë dhe euro, të dyshuara të përfituara nga shitja e dozave dhe 2 celularë.

Vijon puna për identifikimin dhe kapjen e shtetasve të tjerë të përfshirë në këtë veprimtari kriminale, me qëllim dokumentimin e plotë të saj.

Materialet procedurale iu referuan Prokurorisë së Tiranës, për veprime të mëtejshme.