Bayern Munich i mbyll derën largimit të sulmuesit Olises: Mezi presim kthimin e tij…

Humbja e Bayern Munich në miqësoren kundër ekipit të divizionit të tretë gjerman, Wehen Wiesbaden (2-1), zbuloi shumë më tepër sesa thjesht një provë të parë për lojtarët e Kompanyt. 

Christoph Freund, drejtori sportiv i klubit bavarez, foli me shtypin gjerman pas ndeshjes dhe emri i Michael Olise, ende me pushime pas Kupës së Botës, u përmend.

"Thashethemet për Real Madridin? Kjo çështje nuk na shqetëson fare", deklaroi qartë Freund në përgjigje të pyetjeve në lidhje me largimin e lojtarit francez, një nga yjet e Bayernit.

"Ne mezi presim kthimin e Michael nga pushimet. Ai do të luajë një rol të rëndësishëm për Bayernin këtë sezon, ashtu siç luajti sezonin e kaluar", shtoi ai me theks, duke konfirmuar se pavarësisht thashethemeve të shumta, situata e Olise nuk përfshin largimin nga stadiumi Allianz.

Olise, 24 vjeç, iu bashkua Bayernit në vitin 2024 nga Crystal Palace për 53 milionë euro. Pas një sezoni të parë shumë të mirë, i dyti (sezoni i kaluar) e konfirmoi statusin e tij si një yll i klasit botëror: 22 gola dhe 31 asiste.  

Ai ka një kontratë me bavarezët deri në qershor të vitit 2029.