Irani shpall ditë zie dhe organizon ceremoni masive në disa qytete kryesore

Irani ka nisur disa ditë zie kombëtare dhe një seri ceremonish mortore, pas pretendimeve të pakonfirmuara për vdekjen e ish-udhëheqësit suprem, Ajatollah Ali Khamenei, në një sulm.

Autoritetet iraniane kanë organizuar ceremoni në disa qytete kryesore, përfshirë Teheranin, Qomin dhe Mashhadin, si dhe në disa qytete të Irakut, ndërsa pritet pjesëmarrje e madhe qytetarësh dhe delegacionesh të huaja.

Ceremonitë kanë nisur në Mosalën e Madhe të Teheranit, ku është parashikuar homazhi publik për disa ditë. Më pas, kortezhi pritet të kalojë në Qom, Najaf dhe Qerbela, përpara kthimit në Mashhad, ku është planifikuar ceremonia përmbyllëse.

Për shkak të aktiviteteve, autoritetet kanë marrë masa të posaçme, përfshirë mbylljen e disa institucioneve, kufizime të trafikut dhe kufizime të pjesshme të hapësirës ajrore mbi Teheran.

Sipas organizatorëve, në ceremoni pritet të marrin pjesë miliona njerëz, ndërsa disa burime e kanë cilësuar ngjarjen si një nga më të mëdhatë në historinë e vendit. Gjithashtu janë përmendur edhe pjesëmarrje të delegacioneve nga disa shtete, përfshirë Pakistanin.