VIDEO/ Tre vjeç dhe tashmë yll i Botërorit, vëllai i vogël i Lamine Yamal "pushton" rrjetet me reagimin e tij ndaj triumfit të Spanjës

Përveç golave dhe paraqitjeve në fushë, një tjetër emër ka tërhequr vëmendjen gjatë Kupës së Botës. Është Kane Yamal, vëllai i vogël i yllit të Barcelonës dhe kombëtares spanjolle, Lamine Yamal, i cili është kthyer në një nga figurat më të dashura të tifozëve.

Trevjeçari mori sërish vëmendjen pas fitores së Spanjës 2-0 ndaj Francës në gjysmëfinale, rezultat që i siguroi skuadrës iberike një vend në finalen e turneut.

Pas përfundimit të ndeshjes, kamerat e Fox Sports kapën momentin kur Kane ngriti dorën dhe përshëndeti vëllain e tij Lamine, i cili po festonte me shokët e ekipit. Pamja u shpërnda me shpejtësi në rrjetet sociale, ku tifozët komentuan lidhjen e veçantë mes dy vëllezërve.

Kane është bërë një personazh i njohur gjatë Botërorit falë reagimeve spontane, festimeve dhe emocioneve të tij sa herë që Spanja shënon.

Gjatë ndeshjes ndaj Austrisë, ku Spanja fitoi 3-0, kamerat e filmuan vogëlushin teksa festonte me shumë entuziazëm golin e tretë të skuadrës. Videoja mori miliona shikime, ndërsa tifozët u tërhoqën nga gëzimi i tij i sinqertë.

Lidhja speciale me vëllain
Lamine Yamal ka folur shpesh për marrëdhënien me vëllain e vogël dhe emocionet që ndjen kur e sheh duke e mbështetur.

Ylli i Barcelonës ka treguar se lumturia e Kane dhe e familjes së tij ka një rëndësi të madhe, pasi përfaqëson një ëndërr të realizuar për ta.

Kane u bë viral edhe pas një tjetër momenti gjatë Botërorit, kur kamerat e stadiumit e kapën duke nxjerrë gjuhën jashtë gjatë festimeve. Lamine e pa skenën në ekran dhe shpërtheu në të qeshura, duke treguar se vëllai i tij e kishte paralajmëruar më parë për atë që do të bënte.

Sipas Lamine, Kane e kishte telefonuar para ndeshjes dhe i kishte treguar planin e tij për festimin.

Vëllai i vogël i yllit spanjoll është bërë tashmë pjesë e historisë së këtij Botërori, jo për atë që bën në fushë, por për emocionet dhe dashurinë që tregon për vëllain e tij. Lidhja mes tyre ka prekur tifozë në mbarë botën.

Cute moment between Keyne Yamal and his older brother Lamine after reaching the final. ???????????? pic.twitter.com/vnkakaqBfD

— Adi Alardah (@alardah91) July 14, 2026