Zelensky shkarkon komandantin e përgjithshëm të Forcave të Armatosura të Ukrainës

Presidenti ukrainas, Volodymyr Zelensky, ka shkarkuar nga detyra komandantin e përgjithshëm të Forcave të Armatosura të Ukrainës, Oleksandr Syrskyi.

Largimi i tij vjen vetëm pak ditë pas shkarkimit të ministrit të Mbrojtjes, Mykhailo Fedorov, një vendim që shkaktoi protesta në rrugë në disa zona të vendit.

Fillimisht u përhapën zëra se fundi i mandatit të Fedorov lidhej me një përplasje mes tij dhe Syrskyi, por këto raportime u konfirmuan më pas.

Fedorov, 35 vjeç, është vlerësuar gjerësisht për energjinë që i ka dhënë ministrisë, për përpjekjet për modernizimin dhe transformimin e forcave të armatosura, si dhe për rolin e tij në luftën kundër korrupsionit, shkruan BBC.

Ndërkohë, Syrskyi, 60 vjeç, shihet nga shumë ukrainas si një komandant i formuar në frymën e ushtrisë sovjetike, i cili ka qenë i rezervuar ndaj zbatimit të ndryshimeve të thella dhe reformave radikale në ushtri.

Largimi i dy zyrtarëve të lartë brenda pak ditësh ka ngritur pikëpyetje mbi drejtimin e ardhshëm të ushtrisë ukrainase dhe përplasjet e mundshme brenda strukturave drejtuese të mbrojtjes së vendit