DALIN PAMJET/ G*ditën me gr*shte dhe me th*kë 32-vjeçarin tek Poliklinika e Shkodrës. Babë e bir e shtrijnë në tokë dhe…

Ora News ka siguruar videon ku 18-vjeçari ka plagosur me thikë një person brenda ambienteve të Poliklinikës së Shkodrës ditën e sotme.

Nga pamjet duket qartë momenti kur 18-vjeçari, bashkë me të atin, kanë sulmuar 32-vjeçarin duke e goditur disa herë me grushte.

Pas e rrethuan dhe e shtrinë në tokë, 18-vjeçari ka marr nga xhepi i pantallonave një thikë, me të cilën ka plagosur 32-vjeçarin që më pas iu nënshtrua një operacioni.

Ndërkohë, policia ka vënë në pranga babë e bir për veprat penale “Vrasja me dashje” mbetur në tentativë dhe kryer në bashkëpunim.

Njoftimi i policisë:

Shkodër/Vijojnë veprimet hetimore dhe operacionale, për dokumentimin e autorësisë dhe përgjegjësive në lidhje me ngjarjen e ndodhur mesditën e sotme, në lagjen “Vasil Shanto”.

Lokalizohet dhe vihet në pranga 18-vjeçari që plagosi me mjet prerës (thikë), shtetasin V. K., në ambientet e Poliklinikës.

Gjithashtu në pranga, babai i 18-vjeçarit, si bashkëpunëtor në krim.

Si rezultat i kontrolleve intensive, si dhe veprimeve hetimore dhe operacionale, të kryera nga specialistët për Hetimin e Krimeve të Rënda, në bashkëpunim me shërbimet e Komisariatit të Policisë Shkodër, me qëllim ndalimin dhe nxjerrjen përpara përgjegjësisë penale, të shtetasve të përfshirë në ngjarjen e sotme, në lagjen “Vasil Shanto”, u kapën dhe u vunë në pranga shtetasit:

-A. F., 18 vjeç, banues në Shkodër, për veprat penale “Vrasja me dashje”, mbetur në tentativë, kryer në bashkëpunim, “Prodhimi, mbajtja, blerja apo shitja pa leje e armëve të ftohta” dhe “Prishja e qetësisë publike”;

-A. M., 53 vjeç, babai i 18-vjeçarit, banues në Shkodër, për veprën penale “Vrasja me dashje”, mbetur në tentativë, kryer në bashkëpunim.

Nga hetimet dyshohet se këta shtetas, në bashkëpunim me njëri-tjetrin, kanë plagosur me mjet prerës (thikë), në ambientet e Poliklinikës, shtetasin V. K., 32 vjeç, i cili është në kujdesin e mjekëve.

Në lidhje me këtë ngjarje, më herët, shërbimet e Policisë parandaluan një ngjarje kriminale duke arrestuar në flagrancë shtetasin A. K., 41 vjeç, vëllanë e shtetasit V. K.

Materialet procedurale iu referuan Prokurorisë, për veprime të mëtejshme.