Surpriza në Botëror/ Shtrepi: Haitit i del në pah portieri, Brazili dominon me Ancelottin

Në emisionin “Ora e Botërorit”, u diskutua për zhvillimet e fundit në Kupën e Botës dhe paraqitjen e Brazilit nën drejtimin e Carlo Ancelottit.

I ftuar në studio, analisti i futbollit Josel Shtepi foli për ekuilibrin që po krijohet te Brazili, ku sipas tij ndërthuret loja sulmuese me mentalitetin fitues të trajnerit italian.

Ai vuri në dukje se skuadra po shfaq stabilitet dhe kontroll në ndeshje, duke e mbyllur shpejt çështjen e rezultatit në disa raste.

Në mes të bisedës u soll në vëmendje edhe ndeshja Marok–Haiti, ku Haitit arriti të kalojë përkohësisht në avantazh.

Vëmendje mori edhe portieri i Haitit, i cili realizoi një ndërhyrje të dyfishtë gjatë ndeshjes, pavarësisht diferencës së dukshme në cilësi mes dy ekipeve.

Në studio u përmend se Botërori po sjell vazhdimisht surpriza, jo vetëm nga ekipet e mëdha, por edhe nga skuadra që tregojnë organizim dhe disiplinë taktike, siç është rasti i Koresë së Jugut në ndeshjet e fundit.

U theksua se kjo fazë e turneut po karakterizohet nga rezultate të parashikueshme në disa ndeshje, por edhe momente të veçanta që po tërheqin vëmendjen e tifozëve në mbarë botën.