Yuri Kim takon Dvoranin: Duhet ta përkulim harkun e historisë drejt drejtësisë

Yuri Kim takon Dvoranin: Duhet ta përkulim harkun e historisë drejt

Ambasadorja amerikane, Yuri Kim, ka zhvilluar një takim me kreun e Këshillit të Emërimeve në Drejtësi, Ardian Dvorani, me të cilin thotë se ka diskutuar për rëndësinë e pavarësisë, integritetit dhe efikasitetit të institucioneve gjyqësore.

Kim thotë se Shtetet e Bashkuara të Amerikës do të vazhdojnë të mbështesin fuqimisht zbatimin e reformave në drejtësi.

"Ne duhet ta përkulim harkun e historisë drejt drejtësisë" nënvizon ajo.

Takimi i Ambasadores amerikane me Dvoranin vjen në pikën e konfliktit të këtij të fundit me Presidentin Meta.

Presidenti i Republikës Ilir Meta i është drejtuar me një letër Këshillit të Lartë Gjyqësor ku i kërkon të largojë nga detyra anëtarin e Gjykatës së Lartë Ardian Dvorani me argumentin se i ka përfunduar mandati ka vënë në vështirësi këtë institucion.

Ftesës për të dhënë shpjegime në lidhje me situatën ligjore në të cilën ndodhet, anëtari i Gjykatës së Lartë i është përgjigjur me kërkesën për ti dhënë edhe dy ditë kohë për tu përgatitur.

Të mbledhur dy herë online një herë në 16 prill dhe një herën e dyte të hënën në datën 27, anëtarët e KLGJ-së kanë vendosur që për këtë çështje të pyetet edhe vetë subjekti, pra anëtari i Gjykatës së Lartë në detyre, njëherazi edhe kreu i KED Ardian Dvorani.

Me anë të një shkrese ku kanë paraqitur gjithë relacionin se çfarë është diskutuar në mbledhje KLGj, i kërkon Dvoranit të japë mendimin e tij në lidhje nga sa parashtrohet. Pas kësaj KLGj do të mblidhet për të vendosur.

E çuditshme është fakti që anëtarit të Gjykatës së Lartë i është lënë një afat i kufizuar vetëm 48 orë për të parashtruar argumentet e tij, i cili përfundon ditën e premte.

Tashmë pritet që Dvorani të reagojë me argumentet e tij, apo duke kërkuar më shumë kohë.

EMISIONET