Vllaznia "binjakëzohet" me klubin nigerian

Vllaznia "binjakëzohet" me klubin nigerian

Dy drejtuesit e lartë të Klub Futboll Vllaznia, administratori Suad Lici dhe drejtori sportiv Engin Firat prej disa ditësh ndodhen në Nigeri për të nisur një bashkëpunim me një Akademi të njohur atje. Pas ndjekjes së një turneu me 6 skuadra në Abuja, ato kanë udhëtuar drejt qytetit Jos, një qytet i famshëm për lojtarët e mirë që dalin nga Nigeria.

Administratori Suad Lici ra dakort me “Derby Futboll Academy” për të pasur të drejtën eksluzive për transferimin e lojtarëve jashtë këtij vendi. “Derby” ka shumë lojtarë që luajnë në skuadrën kombëtare të të rinjve të Nigerisë.

Në të ardhmen ne duam të marrim lojtarë 18-20 vjeçarë nga ky vend, për t’i afruar te skuadra jonë “Vllaznia B”, në mënyrë që të përshtaten me futbollin shqiptar dhe me lojtarët e talentuar që ne kemi në Shkodër. Në momentin që do të jenë gati, ato do të jenë më pas pjesë e skuadrës “Vllaznia A”.

Dy drejtuesit e klubit kanë rënë dakord që të dërgojmë trajnerin tonë për të bërë një vizitë të shkurtër në Nigeri, për të mbikëqyrur dhe identifikuar lojtarë që mund të vendosen në shërbim të Vllaznisë.

Presidenti i Klubit të Futbollit “Derby” Elio Faddoul dhe administratori i KF Vllaznia Suad Lici kanë rënë dakort për shumë çështje, të cilat do të vazhdojnë më tej me krijimin e marrëdhënieve të qëndrueshme në të ardhmen. Ky është "binjakëzimi" i dytë i klubit shkodran brenda pak ditësh, pas atij me skudrën nga Katari, Muaither Club.

EMISIONET