Oficerët e policisë në të gjithë SHBA kanë qëndruar në solidaritet me demonstruesit e Black Lives Matter ndërsa protestojnë kundër vrasjes së George Floyd.

Vdekja e tij shihet si një simbol i brutalitetit sistematik të policisë kundër afrikano-amerikanëve e cila ka shkaktuar zemërim dhe protesta në mbarë vendin.

Në një video prekëse shihet një protestuese që ka përqafuar një polic dhe ka qarë mbi supin e tij duke derdhur gjithë dhimbjen që ndjen përbrenda.

Një video tjetër tregon disa policë të cilët janë solidarizuar me protestuesit dhe janë ulur në gjunjë në nder të George Floyd. Ky gjest i policëve fitoi simpatinë e të gjithë protestuesëve.


/Ora News.tv/