Tre gola, dy kartona të kuq dhe një fitues.

Argjentina është fituesja e medaljes së bronztë në Kupën e Amerikës 2019, që po zhvillohet aktualisht në Brazil. Skuadra Albiceste mposhti 2-1 në finalen e vogël kampionët në fuqi, Kilin. Një takim që i kishte të gjithë brenda, gjaknxehtësinë, kartonat, penalltitë, golat dhe ... fituesin.

Që do të ishte një takim i vështirë u pa që në minutat e para, por një dygolësh i shpejtë me autor Aguero dhe Dybala bëri që të ndizej situata. Lionel Messi humbi toruan dhe u ndëshkua me karton të kuq pas 37 minutash lojë. Të njëjtin fat kishte edhe Gary Medel, shkak i atij sherri që ndezi të gjithë takimin.

Gjithsesi, një gol i akorduar me anë të sistemit VAR bëri që drithërimat në "Arena Corinthians" të ishin prezent deri në fundin e takimit. Përfundimisht, 2-1 dhe Argjentina e mbyll me medalje këtë kompeticion. Ndërkohë, finalja e madhe do të diskutohet në "Maracana" mbrëmjen e kësaj të diele, me Brazilin që niset favorit ndaj Perusë.





Golat e takimit:

58' Lo Celso ndërhyn në këmbën e kundërshtarit, i cili ndodhet jashtë vijës. Arbitri vijon lojën, por pas kundërsulmit të pashfrytëzuar nga Argjentina, VAR jep vendimin. Penallti për Kilin dhe Vidal nuk fal, duke ngushtuar rezultatin në 2-1.


38' Tensiohet takimi, Lionel Messi dhe Gary Medel përplasen me njëri-tjetrin dhe ndëshkohen me të kuq.


22' Skenar i ngjashëm me golin e parë edhe te ai i dytë, me Lo Celso që shërben për Dybala. Sulmuesi lëviz mirë dhe me të majtën përshëndet rrjetën.

 

 

12' Lionel Messi kap në befasi mbrojtjen e Kilit, duke shërbyer për Agueron. Sulmuesi lëviz mirë në hyrje të zonës dhe pasi shmang portierin kalon në avantazh Argjentinën.    


    

    


    


    


 






/Ora News.tv/