Shtohen gjobat për anticovid, 1400 qytetarë gjobiten për 23 ditë
Rreth 1400 shqiptarë në të gjithë vendin janë gjobitur ditët të fundit pasi kanë shkelur rregullat e aktit normativ të qeverisë për masat anti COVID-19 që në total përllogariten në afro 15 milion lekë.
Vetëm një ditë më parë në 111 qytetarë janë gjobitur me 10.000 lekë, pasi u kapën nga policia duke lëvizur në këmbë apo me biçikleta, në orët e pasdites, pa ndonjë arsye apo emergjencë.
Ndërkohë që 24 shoferëve që kanë shkelur urdhrin e ndalim qarkullimit, janë ndëshkuar me heqje të lejes së drejtimit dhe bllokim të makinës.
Masa ka patur edhe për njësitë tregtare që nuk kanë zbatuar orarin e mbylljes.
Në të gjithë vendin janë gjobitur 9 njësi. Prej tre ditësh kanë nisur edhe marrja e lejeve për të kryer pazarin.
Sipas masave të marra për të bërë pazar në qendrat urbane, një pjesëtar i familjes duhet të aplikojë në e-Albania apo në numrin falas 55155, për t’u pajisur me autorizim, ndërsa pensionistët nuk lejohen në mënyrë kategorike të dalin nga banesa.
Për ditën e martë mësohet se kanë aplikuar në portalin e-Albania 60.200 persona ndërsa me sms 39.066 ku fasha e orareve më e kërkuar mbetet ajo e orës 10 deri në 11.00.