Veliaj i emocionuar, zbulon emrin e veçantë të djalit: “Kajan, tironsi më i ri në qytet”

Kryebashkiaku i Tiranës, Erjon Veliaj, dy ditë pas lindjes së djalit të tij, ka bërë publik dhe emrin e tij. Vogëlushi do të quhet Kajan. Në Instagram, Veliaj ka falenderuar ekipin e mjekëve të spitalit ‘Koço Gliozheni’.

“Ne u bekuam këtë fundjavë me birin tonë Kajan - tironsin më të ri në qytet! Mirënjohje nga zemra krye-Doktorit të Tiranës Orion Glozheni, dhe Gencit, Dritës e Valit nga ekipi i tij i mrekullueshëm tek Materniteti i ri. Shumë dashuri e mirënjohje për gjithë urimet tuaja!”, shkruan ai.

Kajan lindi të shtunën dhe mësohet se kishte një peshë rreth 3 kilogram dhe katër qind gram. Po ashtu u bë e ditur se si fëmija dhe nëna gëzojnë shëndet të plotë. 

Pas lindjes, Kryebashkiaku deklaroi se emri i fëmijës do të jetë shqiptar.


EMISIONET