Trump "thumbon" sërish Kinën: Çdo urdhër vjen nga kreu, ata mund ta kishin ndaluar përhapjen e COVID-19
Presidenti i ShBA-së vijon të mos i kursejë kritikat ndaj Kinës për mënyrën e menaxhimit të situatës së krijuar nga koronavirusi.
Edhe njëherë përmet Twitter, Trump shkruan se Kina mund që ta ndalonte përhapjen e virusit, por nuk e bëri.
Pavarësisht se nuk e përmendi me emër kreun e shtetit, Presidentin Xi Jinping, ai shkruan se çdo urdhër vjen nga "koka".
Ai gjithashtu theksoi faktin që Kina dëshironte që kandidati për president presidencial Joe Biden të fitonte zgjedhjet e ardhshme pasi ata mund të vazhdojnë të "shqyejnë" Shtetet e Bashkuara, siç kanë bërë për dekada.
Duket se rivaliteti mes dy vendeve është i ndezur pasi edhe më herët Trump e ka "thumbuar" Kinën për mënyrën e menaxhimit të situatës.
Ai ka deklaruar se do të ashpërsojë masat ekonomike ndaj tyre. Kreu i ShBA-së nuk ka mbajtur as kritikat ndaj OBSh-së të cilën e kërcënon se do të tërheqë financimin ndaj saj nëse organizata vijon të bashkëpunojë me Kinën.
....It all comes from the top. They could have easily stopped the plague, but they didn’t!
— Donald J. Trump (@realDonaldTrump) May 21, 2020