Vlorë, u raportua për tritol, por në banesë shpërtheu dushi
Nga OraNews Përditësimi i fundit 20 Dhjetor 2019, 09:23
Ajo që u raportua nga policia si shpërthim eksplozivi me tritol në një banesë në Vlorë rezultoi se ka qenë thjesht një shpërthim dushi.
Ngjarja ka ndodhur rreth orës 03:00 të mëngjesit të sotëm, në lagjen "Kushtrimi" në banesën e shtetasit Jetnor Devolli.
Shpërthimi ka qenë i fortë dhe ka shkaktuar dëme materiale.
"Ka shpërthyer kazani i dushit. Erdhi policia, bëri verifikimet e veta.Ka pasur dëme të mëdha në mure, derë. Fëmijët për fat ishin në një dhomë këtu poshtë" tha kryefamiljari.