Të huajt në Shqipëri turizëm për operacione plastike

Të huajt në Shqipëri turizëm për operacione plastike

Shqipëria është kthyer në destinacion jo vetëm turistik, por edhe për operacionet apo ndërhyrjet plastike gjatë 5 viteve të fundit. Kirurgu plastik, Vladimir Filaj tha se gjithnjë e më shumë, shtetasit e huaj po zgjedhin Shqipërinë për të përmirësuar pamjen e tyre, kryesisht përmes heqjes së dhjamit dhe rimodelimit të hundës.

Vladimir Filaj: “Ka afërsisht 4-5 vite që në Shqipëri ka goxha të huaj që vijnë. Besoj që shfrytëzojnë përveç kirurgjisë plastike dhe estetike, shfrytëzojnë edhe turizmin, për të vizituar Shqipërinë."

Heqja e dhjamit është një nga ndërhyrjet e kërkuara, rinoplastika ose bërja e hundës, por edhe lifting apo bërja e gjoksit.”

Për mjekun, kjo zgjedhje e shtetasve të huaj por dhe e emigrantëve shqiptar vjen si pasojë e çmimit të favorshëm që Shqipëria ofron.

Vladimir Filaj: “Çmimi është shumë konkurrues në Shqipëri në raport me vendet e tjera të rajonit ku jemi ne. Sot në Shqipëri ka mjekë vërtetë të mirë.”

Filaj tha se së fundmi, edhe meshkujt shqiptarë kryejnë ndërhyje kirurgjikale për të përmirësuar pamjen e tyre, ndërsa tendenca është kryesisht në rinoplastikë dhe në rimodelimin e veshëve.

EMISIONET