Presidenti Donald Trump shpesh herë ka folur për një ilaç anti-malarie e cila është efektive kundër koronavirusit. Por së fundmi një studim ka nxjerrë përfundime se ky lloj ilaçi nuk ka funksionuar tek asnjë pacient i trajtuar së fundmi nga Departamenti i Çështjeve të Veterinarëve.

Kishte më shumë vdekje në mesin e pacientëve që iu dha ilaçi, hidroksilklorina, thanë studiuesit.

Studiuesit analizuan trajtimin e 368 pacientëve meshkuj në disa spitalet. Rreth 28% e pacientëve që morën hidroksilklorinë vdiqën, krahasuar me 11% të pacientëve që morën kujdes standard. Rreth 22% e pacientëve vdiqën kur morën hidroksilkorin me azitromicinë, e cila përdoret për trajtimin e infeksioneve bakteriale.

"Në këtë studim, ne nuk gjetëm prova që përdorimi i hidroksilklorinës, qoftë me ose pa azitromicinë, zvogëlonte rrezikun e ventilimit mekanik në pacientët e shtruar me COVID-19", kanë shkruar studiuesit. “Pjesa më e madhe e pacientëve që u kuruan me hidroksilkolinë kanë ndërruar jetë”.

Ilaçi përdoret për artritin reumatoid dhe lupus, por është një trajtim i paprovuar për koronavirusin.

Studimi, i paguar nga Instituti Kombëtar i Shëndetësisë dhe Universiteti i Virxhinias, u postua në internet. U paraqit në New England Journal of Medicine, por ende nuk është rishikuar nga shkencëtarë të tjerë, raportoi Associated Press. Është kryer nga shkencëtarë të Universitetit të Karolinës së Jugut dhe Universitetit të Virxhinias, si dhe Sistemit të Kujdesit Shëndetësor VA në Kolumbi, S.C.

Në fund të muajit të kaluar, Administrata e Ushqimit dhe Barnave miratoi përdorimin e hidroksilklorurin nga mjekët për të trajtuar pacientët me koronavirus të shtruar në spital në raste të caktuara. Studiuesit kërkuan studime më rigoroze përpara se spitalet ta pranojnë atë si një trajtim për virusin.

Studiuesit nuk përmendën ndonjë efekt anësor për ilaçin, por treguan se mund të ketë dëmtuar organe të tjera jetësore.

Efektet anësore të njohura janë diarreja, vjellja, skuqja e lëkurës dhe dhimbja në stomak dhe nuk është e sigurt për njerëzit që kanë anomali në zemër, sëmundje të caktuara të syrit ose sëmundje të mëlçisë ose veshkave. Presidentët e Shoqatës Amerikane të Zemrës, Kolegjit Amerikan të Kardiologjisë dhe Shoqërisë së Ritmit të Zemrës kanë shkruar një letër këtë muaj, duke paralajmëruar se ilaçi mund të shkaktojë sëmundje të rrezikshme të zemrës.

/Ora News.tv/