Enti Rregullator i Energjisë ka vendosur që çmimi i energjisë i cili do blihet nga OSHE-ja heceve private do të jetë me një çmim më të ulet me 12% krahasuar me vitin e shkuar, teksa pritshmëritë e binzeseve kanë qenë për çmime të tjera.

I ftuar në emisionin ''Ekopolitikë'' në ''RTV Ora'' nga gazetari Besart Kadia, eksperti i ekonomisë Pano Soko, tha se ky vendim vjen sepse qeverisë i duhen lekë për të përballuar situatën e keqe buxhetore.

Pano Soko: ''Qeverisë i duhen lekë sot, dhe qeveria po grumbullon të gjithë përronjtë e lekëve që shkojnë në thesarin e buxhetit të shtetit, nga të gjitha daljet e këtyre përrojnve. OSHE-ja ka qenë një nga kontributorët kryesorë në këtë kohë krize me të cilin është bazuar buxheti i shtetit për pagesën e detyrimeve imediate. Për shkak të goditjes që pati nga kriza dhe situatës buxhetore që është krijuar për shkak të krizës, qeveria ka një plan për të shkurtuar shpenzimet që kryhen qoftë nnga ndërmarrjet publike qoftë nga administrata shtetërore. Kjo është arsyeja pse po ndodh. Qeveria do të marrë lekë për të përballuar situatën e keqe buxhetore që ka.''

/Ora News.tv/