Shqiptari arrestohet se këpuste lule, 50 mijë euro kilogrami

Shqiptari arrestohet se këpuste lule, 50 mijë euro kilogrami

Primula Veris, një bimë aromatike e familjes Primulacea, që rritet në lartësinë 700-2.300 metra, kishte grumbulluar shqiptari që u arrestua para disa ditësh në Drosopigi.

Kjo specie gjendet në mjaft prej zonave malore të Greqisë. E quajtur “Lulja e Darvinit” apo “Primula e pranverës”, ka vlerë të madhe tregtare dhe bima e therë shitet deri në 50.000 euro kilogrami, në tregun gjerman apo dhe vende të tjera.

Primulla officinalis është bimë mjaft e përhapur në Greqi dhe një ndër bimët më efektive në shërimin e sëmundjeve si kokë-dhimbjet, kolli, qetësim, sëmundjet bronkiale dhe kronike etj. Është mjaft e kërkuar në tregun evropian nga se është edhe më kualitative sipas analizave të bëra nga institute gjermane. Kjo bimë përmban saponie dhe esencë glykocide (primverin dhe primullaverin), prandaj ka efektet shëruese të sëmundjeve të lartpërmendura. Pjesët që përdoren për shërim janë lulja dhe rrënjët.

EMISIONET