Shqiptarët arrestohen me rreth 200 doza kokainë në banjë

Shqiptarët arrestohen me rreth 200 doza kokainë në banjë

Dy të rinj shqiptarë përkatësisht 23 dhe 20 vjeç janë arrestuar nga policia italiane nën akuzën e shpërndarjes së lëndëve narkotike. Arrestimi i tyre u krye në Martina, pas kontrolleve rutinë policore.

Pas kontrolleve të dy shqiptarëve, karabinierët kanë zhvilluar kërkime edhe në shtëpi, ku kanë gjetur të fshehur në banjë 199 doza kokaine të paketuara dhe e gatshme për t'u vendosur në treg, me një peshë prej 72 gram.

Policia ka gjetur edhe materiale të tjera për prerjen e drogës, paketimin, peshore dhe 690 euro, të cilat janë sekuestruar pasi dyshohen se janë të ardhurat nga aktiviteti i shitjes.

Ata u shoqëruan në komisariat ku janë kryer formalitetet e zakonshme.

EMISIONET