Në Serie A në të ardhmen do të kemi më shumë talente me origjinë shqiptare.

Këtë e deklaron menaxheri i FIFA-s, Serxhio Mezi, i cili operon kryesisht në tregun italian.

Në një intervistë për “RTV Ora”, ai shprehet se Kategoria Superiore ka shumë të rinj të talentuar, që mund të bënin mirë në ekipe të huaja.

Ai thotë se një ndër lojtarët që e ka impresionuar më tepër është Jurgen Çelhaka i Tiranës.

“Kategoria Superiore ka shfaqur rritje në vitet e fundit, ka disa talente që kanë bërë shumë mirë këtë sezon. Jemi duke vëzhguar shumë talente, në Shqipëri kam ardhur për të parë nga afër disa talente që kanë spikatur. Edhe në Kosovë gjithashtu ka disa lojtar të rinj që premtojnë për të ardhmen. Jurgen Çelhaka më ka befasuar me sezonin që ka bërë me bardheblutë. Është një ndër lojtarët më premtues”, u shpreh Mezi.

/Ora News.tv/