Rikthehet jeta e natës në Shangai, klubet hapen nën masa të rrepta kontrolli

Rikthehet jeta e natës në Shangai, klubet hapen nën masa të

Klubet e natës në pjesën më të madhe të Kinës janë rikthyer në normalitet, pasi autoritetet zyrtarisht besojnë se vendi e ka nën kontroll epideminë e koronavirusit, megjithatë dezinfektuesit, gotat e njëpërdorimshe dhe maskat janë pjesë e pandarë e klubeve.

“44KW”, një klub për adhuruesit e muzikës elektronike u hap të premten në mbrëmje. Hapësira u mbush nga klientët, një pjesë e të cilëvë qendronin ulur, të tjerë kërcënin pranë njëri-tjetrit.

Klubi, megjithatë, është hapur nën masa paraprake. Kontrollojnë temperaturat dhe kodet shëndetësore të secilit vizitor dhe regjistrojnë të dhënat e tyre personale përpara se klientët të futen brenda.

Stafi, përfshirë banakierë dhe kamerierë, gjithmonë mbajnë maska dhe doreza. Gotat e xhamit janë zëvendësuar me plastike ndërsa në muret e brendshme të klubit janë instaluar dezinfektantë për duart.

Pronari i klubit Charles Guo tha  se rihapja nuk pritej dhe ata po planifikonin të mbylleshin plotësisht gjatë epidemisë.

“Në fillim mendova se mund të rihapja pas një muaji. Por kjo nuk ndodhi. Kur mbërritëm në fund të shkurtit, menduam se nuk do të mund të hapeshim as në Mars. Pastaj u bë e paparashikueshme dhe ne u përballëm me presion të madh, qira dhe kosto të tjera. Papritur na njoftuan që mund të rihapeshim. U ndjeva shkëlqyeshëm , sepse tani mund të mbijetojmë,” shtoi ai.

Dorezat e dyerve dhe tualetet në banjë dezinfektohen çdo orë, sipas Guo, ndërsa i gjithë klubi dezinfektohet çdo ditë, para dhe pas orarit të hapjes.

Sidoqoftë, rreziku i një vale të dytë shpërthimi vazhdon të rritet. Disa raste të prekurish me covid janë shfaqur në Seul në dosa klube nate në Korenë e Jugut në fillim të këtij muaji, duke bërë që zyrtarët të mbyllnin përsëri disa klube të natës dhe bare.

"Unë nuk shqetësohem. Sepse Shanghai ka një kontroll të madh. Kështu që ne ndjehemi të sigurt të dalim në klub natën," tha një 29-vjeçar me emrin Ricky Li.

Kina ka parë një rënie të ndjeshme të rasteve të të prekurve  në vend që nga marsi. Të hënën u raportuan 11 raste të reja të konfirmuara të koronavirusit në kontinent, por të gjitha raste të importuara nga jashtë.


EMISIONET