Renditja e "Money League", Barça vendos rekord, habit Tottenhami

Renditja e "Money League", Barça vendos rekord, habit

Edhe pse jemi në vitin e 2020, vijon të jetë një periudhë ku bilancet e 2019-tës duhen parë me seriozitet sa i takon të ardhurave të klubeve në mbarë europën.

Deloitte Football Money League ka publikuar renditjen e 20 klubeve me të ardhurat më të larta për vitin 2019. Përveç vendit të parë, Barcelona është bërë i pari klub në botë që ka prekur shifrën e 900 milionë dollarëve faturime, e ndjekur nga Reali i Madridit me 95.3 milionë dollarë më pak, një distancë kjo e konsiderueshme.

Vendin e tretë e ruan Manchester United me 811.7 milionë dollarë, ndërsa pas tyre vijnë gjigantët gjermanë të Bayern Munchen me 753.1 milionë dollarë dhe kampionët francezë të Paris Saint Germain me 725.5 milionë dollarë.

Vlen të theksohet se në renditjen e 20 klubeve me të ardhura më të larta bëjnë pjesë plot 8 skuadra angleze, ndërsa Italia përfaqësohet me 4 skuadra, por vetëm Juventusi ka arritur të hyjë në “Top 10” me 524.5 milionë dollarë. Një rritje të konsiderueshme në të ardhura ka pasur Tottenhami, që regjistroi shifrën prej 594.5 milionë dollarësh në vitin 2019, duke lënë pas vetes klube si Arsenali e Chelsea.

EMISIONET