Qytetet "fatlume", Ja ku do të ketë lehtësimit të lëvizjes

Përmes një postimi në facebook, kryeministri Rama ka publikuar zonat gjelbërta në qytetet ku do të ketë lehtësim të lëvizjes.

Qarku Dibër, Gjirokastër, dhe bashkitë, Pogradec, Përrenjas, Librazhd, Sarandë, Himarë, Konispol, Finiq dhe Divjakë do të kenë “fatin” e mirë për të pasur masa më lehtësuese se qytetet e tjera.

Rama bën me dije se nga ora 9.30 deri në 17.30 të gjithë të tjerët mund të dalin nga shtëpia, por ndalohet lëvizja në këmbë e më shumë se dy personave.

Rama: Ja zonat e gjelbërta ku nga e hëna 27 prill do të ketë një lehtësim të posaçëm të lëvizjes, por me rregulla strikt për lëvizjen: 

• qarku Dibër 

• qarku Gjirokastër

• zona e përbashkët e bashkive Pogradec, Përrenjas, Librazhd

• zona e përbashkët e bashkive Sarandë, Himarë, Konispol, Finiq

• bashkia Divjakë 

Në zonat e gjelbërta automjetet private do të lëvizin pa autorizim nga ora 09.30 deri në orën 17.30, por me rregullin e vetëm 2 personave në makinë, nga i cili përjashtohen kategorikisht pensionistët! 

Ndalohet rreptësisht hyrje-dalja në perimetrin e këtyre zonave.

Pensionistët do të lëvizin lirisht në këmbë, deri në orën 08.30 dhe deri në këtë orë asnjë këmbësor tjetër përveç atyre që kanë autorizim për punë, ndalohet të dalë nga shtëpia

Nga ora 9.30 deri në 17.30 të gjithë të tjerët mund të dalin nga shtëpia. 

Kujdes! Ndalohet lëvizja në këmbë e më shumë se dy personave. 

Ndalohet rreptësisht qëndrimi në një vend i më shumë se dy personave dhe nuk lejohet frekuentimi i parqeve publike në 14 ditët e ardhshme.

*apeli im për të gjithë qytetarët e këtyre zonave është që të bëjnë më të mirën, duke garantuar me sjelljen e tyre kushtet e sigurisë për veten e të tjerët, në mënyrë që të mos kthehemi mbrapsht për shkak të shkeljeve në këto zona dhe po ashtu, të ndihmojnë të gjithë shqipërinë me shembullin e tyre pozitiv.

 

EMISIONET