Presidenti Thaçi rikthehet në Tiranë, takim me Bashën në selinë blu
Presidenti Hashim Thaçi është rikthyer sërish në Tiranë këtë të enjte. Ndërsa do të jetë i ftuar në një studio televizive në mbrëmje, ai e ka shfrytëzuar kohën për tu takuar me kreun e PD-së, Lulzim Basha. Takimi u zhvillua në selinë blu.
"Me Presidentin e Kosovës Hashim Thaçi biseduam për zhvillimet aktuale dhe ato të pritshme në Kosovë.Forcimi i shtetit të Kosovës,bashkëpunimi me partnerët SHBA dhe BE për të përmbyllur bisedimet me Serbinë duke respektuar sovranitetin dhe tërësinë territoriale,integrimi euroatlantik janë sfidat e Kosovës në të cilat unë dhe PD do të vijojmë të japim mbështetjen dhe kontributin tonë të pakursyer. Jam i bindur se me pjekuri, durim, forcë e mençuri politikanët e Kosovës do t’i tejkalojnë me sukses të gjitha sfidat që kanë përpara" deklaroi Basha pas takimit.
Kjo është vizita e dytë e Thaçit në Tiranë brenda 6 ditëve. Gjatë vizitës së parë Thaçi pati taklime me Presidentin dhe kryeministrin Rama ku diskutuan mbi zhvillimet politike këtej dhe andej kufirit por edhe për pandeminë Covid 19.