Presidenti i Republikës Ilir Meta ka lexuar letrën që i ka dërguar Komisionerit për Zgjerim. Në një konferencë për mediat, kreu i shtetit shqiptar thotë se në letër inkurajon hapjen e negociatave dhe jo të kundërtën siç pretendon kryeministri Rama.

Meta në letër ngre shqetësimin e mos funksionimit të Gjykatës Kushtetuese, ndërsa i pyetur se ekspozimi në Bruksel i këtij konflikti do të pengojë hapjen e negociatave, ai u përgjigj se ishte i detyruar ta bëjë letrën.

“A i druhem unë të vërtetës që kam 3 vjet që po e them, u them ndërkombëtarëve që vijnë këtu, qytetarëve, maxhorancës, opozitës dhe të mos ndjejnë përgjegjësi ata që e shkaktuan këtë situatë? Këtë situatë e shkaktoi maxhoranca.

Pse të mos i druhen ata të tjerët nga ana e përfaqësuesve ndërkombëtarë që nuk i janë përgjigjur paralajmërimeve që ka bërë presidenti se duhet zbatuar reforma vetëm sipas Kushtetutës të bërë me unanimitet, 140 vota.

 Si është zbatuar reforma? Me një shumicë ilegjitime të dalë nga zgjedhjet e dosjeve të Dibrës dhe të Shijakut në të gjithë Shqipërinë me ligje antikushtetuese që kanë rrëzuar Kushtetutën, që nga zgjedhja me 69 vota  eprokuorit të Përgjithshëm e deri tek betimi i Lanës. Kush është përgjegjësia e presidentit këtu ?!   

Ka vetëm një interes pushtet absolut për të mbrojtur korrupsionin absolute dhe për të minuar interesat publike dhe kombëtare. Kush na bën moral ne për integrimin e BE-së, Zonja e Bilalit që e bllokoi për një kryetar të qarkut të Fierit e ngriu 3 vjet procesin e integrimit.  E në fund e detyrova zonjën Bilali që të votonte ligjet që të zhbllokohej ky proces. Unë isha I detyruar ti shkruaja komisionerit".

Pjesë nga letra që Presidenti Meta i dërgoi komisionerit Oliver Varhelyi

I nderuar Komisioner

Zyra juaj lëshoi dje një përditësim në gjetjet kryesore të paketës së zgjerimit 2019 për Shqipërinë. Mirëpres përkushtimin dhe përpjekjet tuaja për të mbështetur procesin e integrimit të vendit tim në BE, që pret çeljen e negociatave.

Mbeten shpresë plotë që vendet anëtare do të mbështesin rekomandimin tuaj për të hapur negociata gjatë këtij muaji, duke marrë parasysh edhe metodologjie më rigoroze që siguron një proces më të prekshëm dhe të qëndrueshëm reformave të nevojshme.

Mbetem me përshtypjet më të mira, nga takimi ynë në Tiranë dhe mbeta i inkurajuar nga realizimi dhe zelli juaj, për ti shndërruar dështimet e së shkuarës në oportunitet.

Rikthimi i besueshmërisë së procesit të zgjerimit nuk është vetëm një kërkesë e vendeve anëtare, por gjithashtu është e domosdoshme për progres të vërtetë të vendeve kandidate, duke përfshirë Shqipërinë.

Në lidhje me këtë unë nuk mund të fsheh keqardhjen time teksa lexoj 'fotografinë e fakteve', në lidhje  me procesin e themelimit të Gjykatës Kushtetuese, ku ju citoni se "Ka një mosmarrëveshje mbi një prej gjyqtarëve të fundit të emëruar, për shkak të një interpretimi të ndryshëm të procedurës së emërimit nga Presidenti i Republikës".

Në të vërtetë ka një mosmarrëveshje në lidhje me procedurën e emërimit të gjyqtarëve në Gjykatën Kushtetues, por kjo për shkak të një interpretimi të ndryshëm të mazhorancës socialiste e cila kërkon të kapë edhe Gjykatën Kushtetuese të vendit duke përshkallëzuar më tej krizën 'sui generis' në Shqipëri.

Kjo është pikërisht asaj që i ka qëndruar Presidenti. Kjo është pikërisht ajo që rekomandoi Komisioni i Venecias për reformën në drejtësi të miratuar në mënyrë unanime nga Parlamenti shqiptar në vitin 2016. Por oreksi politik i mazhorancës socialiste kërkon të prishë një ekuilibër të tillë, në mënyrë që të marrë kontrollin politik të Gjykatës.

Për më tepër, unë kam botuar të gjitha dokumentet zyrtare që dëshmojnë çdo shkelje kushtetuese dhe ligjore të kryer nga Kryetari i Këshillit të Emërimeve të Drejtësisë, Ministri i Drejtësisë, Sekretari i Përgjithshëm i Ministrisë së Drejtësisë dhe Qendra e Botimeve Zyrtare, dhe kam bërë kërkesë të padive penale kundër të gjithëve të përfshirë në këtë skemë në Prokurorinë Speciale, SPAK. Gjatë gjithë kësaj kohe unë kam qenë plotësisht transparent dhe kam njoftuar zyrën e Delegacionit të BE-së dhe të gjitha shtetet anëtare të BE-së mbi  çdo hap të këtij procesi.

Kam qenë plotësisht bashkëpunues me Komisionin e Venecias, i cili është investuar për të shqyrtuar tërësinë e procedurës së emërimeve në Gjykatën Kushtetuese, dhe jo vetëm në një gjykatës, siç përmendet në raportin tuaj.

Për të komplikuar gjërat më tej, duhet të dini që kjo mazhorancë miratoi një ligj antikushtetues në Parlament, duke e ndryshuar procedurën e betimit e gjyqtarëve të Kushtetueses në zyrën e Presidentit të Republikës, sic parashikohet në nenin 129 të Kushtetutës. Më lejoni të theksojë se ky ligj u miratua ditën kur mbërriti Komisioni i Venecias në Tiranë, pavarësisht mendimit të tyre që do të jepnin edhe për këtë çështje. Unë e kam ekzaminuar zyrtarisht këtë ras, dhe kam denoncuar me  dokumente zyrtare se si Parlamenti mashtron për mbështetje të pretenduar në emër të institucioneve të tjera publike dhe OJQ-ve. Këta të fundit jo vetëm që kanë mohuar mbështetjen e këtij ligji, por edhe e kanë kundërshtuar.

Shumica ka spekuluar publikisht se gëzon mbështetjen e plotë të BE-së kur miraton një numër masash legjislative anti-kushtetuese, përfshirë këtu këtë ligj. Unë kam kërkuar një qëndrim zyrtar për këtë çështje, duke pasur parasysh heshtje të përhershme kundër akuzave të tilla. Më lejoni të theksoj gjithashtu, se i vetmi aktor që nuk është përgjigjur, në mënyrë të pashpjegueshme, për një numër kërkesash zyrtare nga Presidenti, është zyra e EURALIUS V, e cila ka për detyrë  të ndihmojë të gjitha autoritetet zyrtare në çështjet ligjore që lidhen me reformat e BE-së !!!!!

Ndërsa Komisioni Evropian do të bëjë gjithnjë përpjekjet e tij më të mira për të pasur një bashkëpunim dhe partneritet të ngushtë me çdo qeveri shqiptare, unë besoj se Komisioni Evropian gjithashtu duhet të ketë qëllim të tiji interesat më të mirë të popullit shqiptar në zemër.

Çdo mbështetje për gërryerjen e mëtejshme të demokracisë dhe sundimit të ligjit në vendin tim vetëm do të përshkallëzojë krizën aktuale dhe do të nxiste shpopullimin e Shqipërisë.

Unë do të qëndroj me vendosmëri për të mbrojtur integritetin e plotë të themelimit të Gjykatës Kushtetuese, si e vetmja shpresë për kontrollin dhe balancimin e qeverisë, veçanërisht përballë situatës aktuale politike dramatike në Shqipëri. Duke ju siguruar vlerësimin më të lartë të sinqertë, unë mezi pres të takohem me ju, i dashur Komisioner, në një moment të përshtatshëm, siç ramë dakord gjatë takimit tonë në Tiranë.

/Ora News.tv/