"Poker" golash, Interi shkatërron Brescian 6-0
Interi vijon të ndjekë hap pas hapi Lazion teksa shënoi një tjetër fitore këtë të mërkurë.
Ajo mundi me një rezultat të thellë Brescia me shifrat 6-0.
Serinë e golave e hapi Ashley Young që në minutën e 5' me një gol fluturimthi brenda zonës së portierit.
Për të dyfishuar shifrat mendoi Alexis Sanchez me anë të një penalltie në minutën e 20'. Ndërkohë në minutën e 45' D'Ambrossio trefishoi shifrt për zikaltërit.
7 minuta nga fillimi i pjesës së dytë, Gagliardini shënoi golin e katërt me kokë. Në të 83', Christian Eriksen shënoi të pestin.
Ndërsa për të mbyllur përfundimisht hesapet, Candreva shënoi dhe golin e 6.
Me 3 pikët e fituara, Interi renditet në vendin e tretë me 64 pikë në ndjekje të vendit të dytë, Lazios e cila është 4 pikë përpara.
Ndërkohë Brescia renditet në vendin e fundit me 18 pikë.