Pas aksidentit të Princit Philip, mbretëresha Elisabeta merr vendimin drastik
Mbretëresha ka hequr dorë nga ngasja e makinës në publik, pas aksidentit të Princit Philip dy muaj më parë.
Mbretëersha Elisabeta është i vetmi person në Britani që lejohet ti japë makinës pa patente. Por ajo vendosi të mos i japë më makinën pas këshillave të ekipit të saj të sigurisë.
Ndërsa protokolli e parashikon që Mbretëresha duhet të shoqërohet nga shofer gjatë ngjarjeve publike, pavarësisht moshës së saj deri tani, ajo e ka marrë vetë rolin e shoferit ndërsa i jepte makinës rreth pronave të saj dhe eventeve private.
Mbretëresha mbush 93-vjeç këtë muaj. Ajo mësoi ti jepte makinës kur ishte vetëm 18-vjeçe.
Ajo u trajnua si shofere dhe mekanike në Women’s Auxiliary Territorial Service gjatë Luftës së Dytë Botërore.
Princi Philip aksidentoi një grua në Janar, e cila theu krahun. Pas kësaj edhe ai hoqi dorë nga patenta.