Pa ujë në fukarallëk, banorët e lagjes "Partizani" shtojnë masat kundër Covid
Lagjia "Partizani" në Vlorë është një prej vatrave të koronavirusit në qytetin bregdetar. Ndaj banorët aty kanë rritur masat duke kufizuar lëvizjet. Përtej situatës aktuale, hallet e banorëve janë të shumta.
Rrugët janë bosh dhe lëvizjet e banorëve përtej oborreve familjare janë të pakta.
Lagjia “Partizani” është një prej vatrave të koronavirusit në Vlorë, ç'ka ka bërë që banorët të rrisin masat mbrojtëse.
Të prekurit me covid-19 i njohin dhe konfirmojnë se po qëndrojnë të vetëkarantinuar.
Por përhapja e shpejtë e virusit, ka rritur frikën në komunitet.
Përtej situatës aktuale, hallet e banorëve janë të shumta. Nisin me ujin e pijshëm.
Vijojnë me papunësinë e gjendjen ekonomike.
Për disa është edhe me shqetësuese se koronavirusi.
Të mërkurën në Vlorë u regjistruan 7 raste të reja me koronavirus, ndërsa numri i të prekurve shkoi në 35 në total.