Ndryshimet në Kodin Zgjedhor, Meta: Nëse bëhen në mënyrë të njëanshme, s'ka negociata me BE-në

Presidenti i vendit Ilir Meta u shpreh i kënaqur me përparimet që po bëhen nga palët politike për reformën zgjedhore.

Por ai tha se nëse ndryshimet në Kodin Zgjedhor miratohen në mënyrë të njëanshme nuk do të ketë çelje të negociatave me Bashkimin Europian.

Postimi i Presidentit në Facebook

Për çështjen e Kodit Zgjedhor, jam i kënaqur, që sipas aktorëve politikë dhe diplomatikë, ka përparime.

Mezi po pres që palët të mbajnë fjalën dhe në datën 31 maj 2020 të përmbyllin me konsensus ndryshimet që kërkohen me aq ngulm prej kohësh nga Bashkimi Europian, dhe partnerët e tjerë.

Do ta duartrokas konsensusin dhe menjëherë do t’i firmos këto ndryshime sapo të vijnë!

Por nëse ndryshimet në Kodin Zgjedhor, miratohen në mënyrë të njëanshme, do të ketë ZERO çelje negociatash të Shqipërisë me Bashkimin Europian, jo deri në zgjedhjet e ardhshme, por edhe deri në zgjedhjet e tjera që do vijnë pas tyre.


EMISIONET