Studimi sipas të cilit koronavirusi reziston në ajër për 30 minuta dhe mund të transmetohet edhe 4,5 metra larg, u tërhoq, pa sqaruar, nga revista që e publikoi atë, Mjekësia Praktike Parandaluese. Të dhënat e siguruara nga hulumtimi, shpjegoi virologu Roberto Burioni, nuk janë të besueshme dhe rrezikojnë ta dërgojnë popullsinë në kaos, distanca e sigurisë midis një individi dhe një tjetri është një metër.

Studiuesit kinezë, të cilët kryen studimin, ishin bazuar në vëzhgimin e asaj që ndodhi në Kinë në 22 janar gjatë një udhëtimi me autobus të një personi, të identifikuar si "pasagjeri A", i ulur në radhën e parafundit. Nga kamerat CCTV të automjetit, studiuesit kishin vërejtur se burri paraqiste simptomat e Covid-19, por nuk mbante maskë.

Gjatë lëvizjes, "pasagjeri A" kishte infektuar shtatë persona, përfshirë një çift të ulur gjashtë rreshta larg. Në një udhëtim të dytë më të shkurtër, burri infektoi gjithsej 13 pasagjerë.

Studiuesit, përfunduan nga vëzhgimi se rezistenca e ajrit të Covid-19 është 30 minuta dhe se "në një mjedis të mbyllur, me ajër të kondicionuar, distanca e transmetimit të koronavirusit të ri tejkalon distancën e njohur.

Për të sqaruar pse ky hulumtim nuk është i besueshëm, ndërhyri Roberto Burioni, profesor i Mikrobiologjisë dhe Virologjisë në Universitetin Vita-Salute San Raffaele në Milano.

"Studimi më ka hutuar! Është botuar në një gazetë me pak rëndësi, një informacion i cili është vetëm për nisjen e një studimi të saktë dhe jo një e vërtetë shkencore.

Në fund pati disa mospërputhje, siç është fakti që njerëzit që ndodheshin shumë larg nga 'pasagjeri A ’ishin infektuar, por jo ai që ishte ulur pranë tij ".

/Ora News.tv/