Meta: Situata dramatike, çdo përpjekje për të nxjerrë banorët nga rrënoja

Kreu i shtetit, Ilir Meta po ndjek nga afër situatën e tërmetit në Shqipëri. Në një prononcim për mediat nga Thumana ai ka deklaruar se situata është mjaft dramatike.

"Po bëhet çdo përpjekje për të nxjerre banoret nga rrënojat", tha Meta.

Ndërkohë më herët nga Spitali i Traumës, Presidenti Meta tha: "Shpresojmë të mos ketë viktima të  tjera për shkak të këtyre lëkundjeve. E rëndësishme është të evidentohen të gjitha banesat e dëmtuara dhe nëse ka qytetarë të cilët kanë nevoje për ndihmë të menjëhershme. Kërkohen raportime më të shpejta për situatën në zonat më të prekura. Dua të falënderoj personelin mjekësor qe është ne gatishmëri të plote. E gjithë Shqipëria është tronditur shume rende dhe shpresojmë te mos kemi viktima te tjera. Sot është e rëndësishme te jemi pranë njerëzve ne nevoje!"

/Ora News.tv/