Meta: Nuk kam besuar se VV do dilte forcë e parë
“Nuk kam besuar se Vetëvendosje do dilte forcë e parë sepse ka marrë një goditje të fortë në kuptimin e imazhit nga jashtë, kur iu shkëput një grup deputetësh”,- kështu u shpreh presidenti Ilir Meta në një diskutim me studentët e ekselencës, në Tiranë.
Presidenti tha se fitorja e tyre do të ishte edhe më e thellë nëse nuk do të kishte marrë këtë goditje.
Meta: Për Albin Kurtin mund të them se ka potencial intelektual dhe politik të jashtëzakonshëm. Fitorja e tyre do ishte më e thellë nëse nuk do kishte marrë atë goditje. Këto zgjedhje kanë qenë një rezultat i personalitetit politik të tij, sepse nuk ka pasur shumë figura të tjera në krah.