Përkujtohet sot 75-vjetori i çlirimit të kampit të Aushvicit nga forcat sovjetike. Liderët botërorë do t’iu bashkohen sot të mbijetuarve të Holokasutit  në Poloni.  

Më shumë se 1.1 milion persona, shumica prej tyre hebrenj vdiqën nëpër dhoma gazi, nga uria, të ftohtit apo sëmundjet në Aushvic.

Edhe presidenti Ilir Meta përcolli mesazhin e tij në Ditën Ndërkombëtare të Kujtesës. 

Përkujtojmë me nderim miliona viktima të pafajshme të mizorisë së pashpirt të Holokaustit, në mënyrë që antisemitizmi, mungesa e tolerancës, bashkëjetesës, dhe shkeljet e lirive e të drejtave të njeriut, të mos përsëriten KURRË MË.

Dy dekada më parë në zemër të Europës, fatkeqësisht ishim dëshmitarë të masakrave e spastrimit etnik dhe fetar në Bosnje e Hercegovinë, dhe Kosovë.

Gjenocide dhe akte të tilla çnjerëzore ndaj kujtdo që i përket një feje, etnie apo kombësie ndryshe, nuk duhet të ndodhin dhe nuk duhen lejuar të ndodhin KURRË MË në botën ku jetojmë!

Krenar për kombin tonë, që në periudhën më të errët të njerëzimit, mbrojti dhe mirëpriti mijëra hebrenj të larguar nga vendet e tjera, duke mos dorëzuar asnjë te pushtuesit" 
shkruan Meta në një postim në facebook.

/Ora News.tv/