Meta e kalon 13 tetorin me sportivitet, mazhoranca e injoroi datën e dekretuar për zgjedhje

Meta e kalon 13 tetorin me sportivitet, mazhoranca e injoroi datën e

Pavarësisht se 13 tetori është një datë e dekretuar për mbajtjen e zgjedhjeve lokale , asnjë nga institucionet përgjegjëse nuk i është përgjigjur Presidentit të Republikës. Por këtë reagim nga ana e KQZ dhe qeverisë, kreu i shtetit Ilir Meta e ka marrë me sportivitet në një ditë pushimi në bregdet, duke treguar që është një lojtar mjaft i zoti.

Ashtu si qeveria dhe Komisioni Qendror i Zgjedhjeve edhe kreu i shtetit Ilir Meta e ka marrë me sportivitet këtë të dielë. Me bluzën e skuadrës së Celtik, Presidenti buzë detit tregon që edhe kur topi është në fushën e tij, ai e zotëron shumë mirë atë.

LSI, PR dhe PAA ishin të vetmet forca politike që respektuan dekretin e 13 tetorit të Presidentit Meta duke u regjistruar në Komisionin Qendror të Zgjedhjeve.

Një veprim i pamjaftueshëm pasi KQZ nuk ka njohur dy dekretet e Metës, atë për anulimin e zgjedhjeve të 30 Qershorit, si dhe dekretin për zgjedhjet e reja lokale.

Mazhoranca e ka injoruar vazhdimisht 13 tetorin të dekretuar për zgjedhjet lokale, duke mos e marrë në konsideratë thirrjen e Kreut të Shtetit për zgjedhje pluraliste. Madje socialistët shprehen më shumë të interesuar për Maratonën e Tiranës.

Taulant Balla: Unë di që pas të premtes janë dy momente të rëndësishme. Së pari i uroj kombëtares sonë një fitore të rëndësishme në Turqi, dhe i uroj mirëseardhjen në Shqipëri të gjithë atyre që e kanë dëshirë sportin e vrapimit dhe i uroj sukses atij që do të fitoj marationën e Tiranës.

Për shkak të dekreteve të Presidentit, çështja e Shqipërisë shkoi deri në Komisionin e Venecias, i cili në raportin përfundimtar konkludoi se Meta ka tejkaluar kompetencat por nuk ka shkelje të rëndë kushtetuese, aq sa për të nisur edhe procedurat për shkarkimin e tij.


EMISIONET