Maqedoni e Veriut, qeveria i propozon Kuvendit shpalljen e gjendjes së jashtëzakonshme

Maqedoni e Veriut, qeveria i propozon Kuvendit shpalljen e gjendjes së

Kryeministri teknik i Maqedonisë së Veriut, Oliver Spasovski, në një konferencë për media pas seancës qeveritare, ka deklaruar se qeveria e udhëhequr nga ai ka vendosur të propozojë shpalljen e gjendjes së jashtëzakonshme në mbarë territorin e vendit, me qëllim për të luftuar përhapjen e koronavirusit.

"Kjo është një situatë e jashtëzakonshme dhe serioze, prandaj nevojiten edhe masa të jashtëzakonshme. Në seancën e sotme vendosëm të propozojmë gjendje të jashtëzakonshme në mbarë territorin e Maqedonisë së Veriut", tha Spasovski.

Kjo masë, tha Spasovski, do të shpallet për herë të parë në historinë e pavarësisë së vendit.

Procesi për të hyrë në fuqi gjendja e jashtëzakonshme në mbarë territorin e vendit, siç shpjegoi Spasovski, propozimi do të paraqitet në Kuvend, i cili në rast se dështon të thirret, atëherë vendimi i takon presidentit të vendit.

Ditën e sotme Ministria e Shëndetësisë e vendit konfirmoi 4 raste të reja me koronavirus, duke e çuar numrin e përgjithshëm të të infektuarve nga ky virus në 35.


EMISIONET