Makina e policisë përplas mjetin me drogë në Sarandë, ndalohen 2 persona
Nga OraNews Përditësimi i fundit 2 Mars 2018, 16:43
Një automjet i ngarkuar me drogë është ndaluar nga policia në aksin rrugor Bistricë-Sarandë.
Ende nuk dihet sasia e drogës së sekuestruar.
Paraprakisht thuhet se makina e policisë ka goditur me mjet tip "Golf 4" që po transportonte drogë duke e nxjerrë atë nga rruga.
Dy persona në mjet janë ndaluar nga policia.
Ende nuk ka detaje të plota për rastin, ndërsa po vijon puna për identifikimin e personave të ndaluar.