“Lulet e pranverës”, 40 ditë burg 6 për vlonjatët e kërkuar nga Italia për drogë

“Lulet e pranverës”, 40 ditë burg 6 për

Gjashtë të arrestuarit në Shqipëri në kuadër të operacionit "Lulet e Pranverës", do të presin 40 ditë në qeli dosjet nga Italia. Gjykata e Vlorës caktoi masën e sigurisë burg me afat për të akuzuarit si pjesë e grupeve kriminale që kanë trafikuar disa tonë drogë drejt Italisë. Në kuadër të operacionit në total janë lëshuar 27 urdhër arreste.

Gjykata e Vlorës caktoi masën e sigurisë, burg me afat 40 ditë për 6 të arrestuarit në kuadër operacionit  “Lulet e Pranverës”, finalizuar në bashkëpunim mes Policisë Shqiptare dhe Guardia Di Finanzas italiane

Ata janë Denis Pashaj, Bilbil Kabello,  Kujtim Elmazi, Kristjan Llanaj, Luka Beqiraj dhe Arbnor Xhimaj.

40 DITË BURG

Denis Pashaj, 33 vjeç

Bilal Kabello, 34 vjeç

Kujtim Elmazi,  58 vjeç

Kristjan Llanaj alias Nuredinaj, 36 vjeç

Luka Beqiraj alias Kriols Beqiraj, 32 vjeç

Arbnor Xhimaj alias Hoxhaj, 34 vjeç

Gjyqtari Ervin Trashi pranoi kërkesën e prokurorit Artan Marku për të krijuar kohën e nevojshme për të ardhur materialet hetimore nga Italia, ndërsa rrëzoi kërkesat e tre prej të akuzuarve për ekstradim të shpejtë drejt Italisë, dhe tre të tjerëve për masë më të lehtë sigurie.

Gjashtë vlonjatët akuzohen nga autoritetet italiane për trafik të lëndëve narkotike, pjesëmarrje në organizatë kriminale, bashkëpunim në krim dhe mbajtje e paligjshme e drogave.

Arrestimi u krye bazuar në një vendimi të gjykatës së Leçes, i ekzekutuar në 12 shkurt 2019 nga Prokuroria e Krimeve të Rënda dhe Policia e Shtetit.

Operacioni u tha se goditi katër grupe kriminale të trafikut të drogës në të dy anët e Adriatikut, që dyshohet se ka arritur të trafikojë rreth 9 tonë hashash drejt Italisë

Në total janë prerë 27 urdhër arreste, mes të cilëve janë 21 shqiptarë dhe 6 italiane.


EMISIONET