Kufijtë midis Spanjës dhe Portugalisë do të mbyllen deri në fund të së hënës, duke lënë vetëm nëntë vendkalime aktive për të lejuar kalimin e produkteve dhe punëtorëve që u kërkohet të kalojnë kufirin.

Njoftimin e dha Ministri i Punëve të Brendshme të Portugalisë, Eduardo Cabrita, sot në një konferencë për shtyp.

Sipas Cabrita, vendimi, i cili u mor së bashku nga autoritetet në Spanjë dhe Portugali, do të shohë koordinim të vazhdueshëm midis dy vendeve për të siguruar që fluksi i mallrave thelbësorë nuk do të ndikohet, shkruan CNN.

"Ekonomia duhet të vazhdojë, dhe kështu është thelbësore të garantohet transporti i ushqimit dhe produkteve thelbësore brenda BE", tha Cabrita.

Ministri i Punëve të Brendshme të Portugalisë shtoi se zyrtarët gjithashtu do të zbatojnë kontrolle të reja në aeroporte, me kontrollet e temperaturave për të gjithë pasagjerët.

Spanja është vendi i dytë më i prekur në Europë pas Italisë me 297 viktima dhe 8,744 të infektuar.

Në Portugali janë regjistruar 331 të infektuar me Covid-19.

/Ora News.tv/