Itali, nis zbatimi i dekretit të Kontes për masat ndaj koronavirusit
Autoritetet policore italiane kanë nisur kontrollet për verifikimin e zbatimit të masave të dekretit të qeverisë, sipas të cilit në të gjithë territorin italian do të aplikohet regjimi i masave drastike të ndërmarra tre ditë më parë për veriun e Italisë.
Po kryhen kontrolle rrugore dhe në stacionet hekurudhore.
Gjithashtu vihet në dispozicion modulii vetëdeklarimit që gjithsecili duhet të ketë me vete kur del nga banesa i justifikuar vetëm nga 4 motive:
1-Punë
2-Shëndeti
3- Nevojë
4- Rikthim në vendbanim
Moduli mund të shkarkohet online pranë portaleve te prefekturave.
Ditën e djeshme kryeministri italian Xhuzepe Konte shpalli vendin zonë të kuqe dhe firmosi dekretin ku do aplikohej regjimi i masave drastike ndaj koronavirusit.