Itali, emigranti vret veten

Itali, emigranti vret veten

Një ngjarje e rëndë ka ndodhur në hyrje të stacionit Tiburtina në Romë.

Një emigrant ka plagosur me thikë një punonjës të policisë private Italpol e pasi i ka rrëmbyer pistoletën është vetëvrarë.

Emigranti rreth 20 vjeç ende nuk është identifikuar nga autoritetet italiane e janë të panjohura motivet e këtij gjesti ekstrem.

Punonjësi i Policisë 55 vjeçari Massimo Petrini po kurohet në spitalin Umberto 1 në Romë. Ai ka marrë dy plagë në fyt dhe gjendja e tij shëndetësore është e rëndë por jashtë rrezikut për jetën.

Në vendngjarje kanë mbërritur dhe forcat speciale e po kryejnë hetimet e rastit mbi dyshimet e lidhjes së motivit të kësaj ngjarje.

Autoritetet kanë sekuestruar të gjitha telekamerat e sigurisë në hyrje e brenda stacionit të metrosë.

EMISIONET