Ina Zhupa publikon dokumentet: Veliaj betonizon Tiranën, firmos kullën 100 metra të lartë tek Ish-Ekspozita

Zëdhënësja e PD, Ina Zhupa, ka publikuar disa dokumente, që tregojnë aferat me ndërtime të kryebashkiakut Erion Veliaj.

Sipas Zhupës, Veliaj vazhdon të betonizojë Tiranën duke ndërtuar kulla të larta. Bëhet fjalë për një ndërtesë tek ish-ekspozita.

Ina Zhupa: Erioni Betoni vazhdon betonizimin e Tiranës me kulla të larta pavarësisht se jemi qyteti me ajrin më të ndotur në Europe dhe të dëmshem për shëndetin. E rradhes është kulla që do i zërë vendin ish ekspozitës, një sipërfaqe ndertimi 67.366 m2 me 24 kate lartësi!

Këshilli Kombëtare i Territorit me vendimin nr. 4 datë 8 nëntor 2019 ka miratuar lejen e ndërtimit të rradhës për objektin “Ekspozita Building” një kullë me lartësi rreth 100 metra, 24 kate mbi tokë me destinacion qendër tregtare, ambiente për zyra dhe banim dhe 5 kate nën tokë parking .  Volumi i sipërfaqes së përgjithshëm të ndërtimit që do t`i zërë frymen kryeqytetit  është  67.366 m2.

Trualli ku do të ndërtohet kulla ndodhet pranë Bulevardit “Gjergj Fishta” ku më parë ka ekzistuar ndërtesa "Ekspozita sot" një ndërtesë e trashëgimisë historike të Tiranës.

Veliaj vetëm dëmton qytetin dhe shëndetin e qytetareve edhe mbush xhepat e oligarkëve edhe të vetat! I emëruar në krye të bashkisë nuk po lë hapesirë në qytet pa e transformuar në nje kullë!




EMISIONET