Goditet banda e shqiptarëve në Itali, akuzohen për drogë, vjedhje e armë

Policia italiane, mbrëmjen e djeshme (20 nëntor) në provincën e Perugia vuri në pranga katër shqiptarë, të moshave nga 27 deri 35 vjeç.

Pas disa vjedhjeve që ndodhën në zonën e Fabrianos, policia përgjoi disa persona të dyshimtë, që po lëviznin në një zonë lokale. Automjeti me të cilin lëviznin ishte pajisur me targa të vjedhura.

Nga automjeti, pasi morën disa çanta, pesë persona po shkonin rrugës për në shtëpi, por karabinierët i urdhëruan që të ndalen dhe të tregojnë dokumentet. Tre prej tyre u bllokuan, pas një përleshje të ashpër, ndërsa dy të tjerët arritën të shpëtojnë.

Sekuestrimi - Pas kontrolleve, karabinierët gjetën në automjet me disqe të ndryshëm, një “shufër”, një seri kaçavidash, kapele dhe mjete të tjera për vjedhje.

Në rripin e pantallonave të një 27-vjeçarit u gjet një pistoletë Beretta – kal. 7.65 (vjedhur me 6 korrik 2019, në Ancona, gjatë një vjedhje shtëpie). Më pas, në shtëpi u gjetën argjendari dhe stoli të shumta të arta dhe të çmuar, pajisje portative për skanues radio, pasaporta, karta identiteti dhe leje drejtimi të rreme të lëshuara nga autoritetet shqiptare.

Në vazhdimin e veprimtarisë hetimore policët arritën dhe bllokuan një anëtar të katërt të bandës së vendosur në një B&B në Trevi (Pg) ku, gjatë kontrollit, burrit iu gjet në posedim një sasi prej 165 gram marijuanë, dhe material për doza të paketimit, 4 780 euro para të thata, një bllokues për të përgjuar komunikimet, stoli prej ari me një peshë totale rreth një kilogram, shumë sende të çmuara dhe bizhuteri.

Në Spoleto (Pg), në një dyqan, Karabinierët sekuestruan një Audi A4 S4, drejtuar drejt një zone të Romës për të kryer vjedhje të shumta në provincat e Ankonës dhe Maceratës. Nga fotoja sinjalizuese e 39-vjeçarit, doli se ai ishte dënuar nga gjykata me masën e paraburgimit, lëshuar në 23 Mars 2018 nga gjyqtari për hetime paraprake të Gjykatës së Rieti.

Veprat penale - Të papunë dhe duke qëndruar ilegalisht në shtetin italian, shqiptarët akuzohen për vjedhje në banesa, rezistencë dhe dëmtim të zyrtarëve publikë, transportim të paligjshëm të armëve të zjarrit, mbajtje të pajustifikuar të mjeteve të vjedhjes, marrjen e pllakave të vjedhura, armë të vjedhura, mbajtja e dokumenteve false si dhe posedim të lëndëve narkotike, shkruajnë mediat italiane.

Shqiptarët u lanë në burg – Për të katërt u vendos që të dërgohen në burg. Tre të parët në Perugia – Capanne, ndërsa personi i katërt në Spoleto. Autoritetet italiane thanë se kanë bllokuar mallrat e vjedhura dhe se do të përpiqen që atë t’ua kthejnë qytetarëve.

EMISIONET