Manjani: Ftesa e Ramës, teatër për të kënaqur ndonjë zv.ambasador

Manjani: Ftesa e Ramës, teatër për të kënaqur

Ish-ministri i Drejtësisë Ylli Manjani i ftuar në studion e lajmeve të RTV Ora komentoi letrën publike të kryemninistrit Edi Rama adresuar kryedemokratit Lulzim Basha.

Manjani u shpreh se lëvizja e Ramës është asgjë më shumë sesa një teatër që bëhet për të kënaqur ndonjë zëvendës ambasador.

Nga ana tjetër ish-ministri theksoi realizimi i një dialogu nuk ka asgjë të keqe, sepse sot shqiptarëve ju duhet patjetër një datë zgjedhjesh dhe këtë e ka Rama në dorë.

Ylli Manjani: Ky është teatër. Ky është një muhabet kot. Ftesa për dialog nuk bëhet me letra publike. Po të jemi pak më seriozë ftesa për dialog duhet të ketë një axhendë, një tryezë, ka një orë, një vendtakimi ka një gjithëpërfshirje sepse në këtë Shqipëri nuk jeton vetëm Edi Rama dhe Lulzim Basha. Asgjë e sinqertë. Është një teatër për të kënaqur ndonjë zëvendës ambasador. Megjithatë nuk ka asgjë të keqe në dialog të jemi realist. Ajo që i duhet vendit sot është absolutisht një datë zgjedhjesh. Këtë e ka në dorë Edi Rama dhe mos të shkruajë letra fare.

Sipas Manjanit Presidenti i Republikës Ilir Meta nuk kas asgjë në dorë për zgjidhjen e situatës politike, madje as vetë opozita.

Ish-ministri theksoi se shqiptarët kanë nevoj për një parlament pluralist dhe kjo arrihet vetëm nëpërmjet zgjedhjeve, as më dialog e as me letra publike.

Ylli Manjani: Jo nuk ka asgjë në dorë Presidenti, as opozita. Opozita po bën detyrën e vet që po bën atë që po bën. Dikujt i pëlqen dhe dikujt jo, por kjo është jeta politike. Fundi i historisë është se Shqipëria ka nevojë për një Parlament pluralist. Parlamenti pluralist bëhet me zgjedhje. As me deklarata, as me dialog, as me letra publike dhe as me shtëpi publike. Bëhet afre thjeshtë duke caktuar një datë zgjedhjesh politike, vendi të hyjë në zgjedhje dhe ta vendosi popullli kush është pluralist. Kjo i duhet Shqipërisë. Nuk ka asnjë shkencë më shumë.

EMISIONET