Fier, makina del nga rruga dhe përplaset me mbikalimin, humb jetën 26-vjeçari
Nga OraNews Përditësimi i fundit 26 Dhjetor 2017, 18:24
Një 26-vjeçar ka humbur jetën në një aksident automobilistik. Ngjarja ndodhi rreth orës 18:00 në Fier në afërsi të fshatit Baltëz, ku makina doli nga rruga dhe si pasojë drejtuesi i mjetit humbi jetën.
"Shtetasi J.I, 26 vjeç, banues në Fier, duke drejtuar mjetin tip "Benz" ka humbur kontrollin dhe ka goditur betonin e mbikalimit të autostradës. Për pasojë ka gjetur vdekjen e menjëhershme drejtuesi i mjetit", sqaron policia.
Policia dhe grupi hetimor po punon për zbardhjen e shkakut të aksidentit.