Elbasan, makina përplas motoçikletën, 1 i plagosur
Një persona ka mbetur i plagosur si pasojë e një aksidenti që ka ndodhur mbrëmjen e djeshme në aksin Elbasan- Metalurgji.
Policia sqaron se "mjeti me targa El 9956 A me drejtues shtetasin E.P.,28 vjeç, banues në lagjen "Aqif Pasha" në Elbasan , është përplasur me motoçikletën me targa AR 489".
Si pasojë e përplasjes është aksidentuar drejtuesi i motoçikletës dhe është transportuar në Spitalin e Elbasanit , në gjendje të rëndë.
Drejtusi i mjetit është shoqëruar në ambjentet e Komisariatit të Policisë Elbasan për veprime të mëtejshme.
Grupi hetimor ndodhet në vendngjarje dhe po punon për zbardhjen e shkakut të aksidentit.