Dosja Habilaj, Rama në "360 Gradë": Kallzim penal per dekonspirimin. Ne dispozicion te hetimit dhe Xhafaj

Dosja Habilaj, Rama në "360 Gradë": Kallzim penal per

 Kryeministri Edi Rama i ftuar në emisionin "360gradë" të Artur Zhejit mbrëmjen e së enjtes (23 nëntor 2017) deklaroi se ministri i Brendshëm, Fatmir Xhafaj do të depozitojë një  kallzim penal për të zbuluar dekonspiruesin e operacionit të arrestimit të ish drejtuesve të policisë së Vlorës.  Këta të fundit akuzohen se për kultivim, trafk droge dhe grup të strukturuar kriminal dhe kanë lidhje me anëtarët e dosjes së Habilajve.

Rama tha se është një grup i vogël që kanë dijeni për çështjen.

Ai tha se i qëndron deklaratës se nëse Saimir Tahiri shpallet fajtor nga prokuroria është një “vemje”, ndërsa nuk preferoi të komentonte deklaratën e ambasadorit të Shteteve të Bashkuara të Amerikës në Vjenë.

Rama deklaroi gjithashtu se në bashkëpunim me financues brenda Shqipërisë, disa persona jashtë po përpiqen ti imponojnë Shqipërisë njollën e krimit etnik shqiptar.  Gjithashtu Rama kishte një mesazh për Bashën kur tha se marrëveshjen e 17 majit që e ka çuar buzë varrit, nuk duhej ta varroste.

  

Disa nga titujt kryesore 

 Rama: PPP-të si sjellin përfitime për shtetin, rrisin ekonominë dhe punësimin

Çështja e Himarës dhe bisedimet në Kretë

"Litari në shtëpinë e të varurit", ja debati mes Ramës dhe Zhejit

Rama shpjegon çfarë është Rilindja

Rama: 40 subjekte akuzohen për mashtrim, fshehje tvsh dhe evazion fiskal

Unë nuk shkoj në restorante me bosa

“Saimir Tahiri”, Rama: Kuvendi nuk është një fushë me domate me 140 hunj

Në kushtet kur mungon opozita, jemi të detyruar të bëjmë auto-opozitarizëm

A ka përgjegjësi Haki Çako? Rama pergjigjet

Rama: Ja çfarë i kam kërkuar liderve të BE

Përgjimet e Prokurorisë së Katanias kanë dalë nga mediat shqiptare

Rama: Xhafaj kallëzim penal për dekonspirim të operacioneve

Shume pak dinin operacionin e arrestimit

Nuk ka hetim ndërkombëtar për Tahirin

Nuk komentoj deklaratat e ambasadorit amerikan në OSBE



Intervita e plotë e e ndarë në 5 pjesë

PJESA E PESTË 

Rama: PPP-të si sjellin përfitime për shtetin, rrisin ekonominë dhe punësimin 

Artur Zheji: Shoqëria e Hapur, bija ose mbesa e Sorosit të madh, thotë se ndihma sociale është shumë e ulët.

Edi Rama: Mendoj që nuk ka prosperitet në një vend pa shtet. Në qoftë se nuk vendoset rregull në një vend ku njerëzit bashkëjetojnë kurrë nuk dilet nga një gjendje e trashëguar në 20 kusur vitesh. Sikur të ishin bërë 20 vite më parë tani flisnim për diçka tjetër. Varfëria nuk luftohet me lëmosha.

Artur Zheji: Ata duhet të flenë jashtë. Kanë ndodhur tragjedi të mëdha.

Edi Rama: Hajde shkojmë të bëjmë një kronikë në periferi të Parisit se në çfarë gjendje jetojnë. Kjo nuk do të thotë se vazhdimësia e një sërë plagësh të trashëguara i shëron duke e shfokusuar tërësisht qeverisjen nga ngrehina e një qeverisje të përbashkët. Ne duhet të bëjmë reforma. Nuk ka shtet social në kushtet kur nuk ka shtet. Shtetet sociale kanë kapacitete që burojnë nga të ardhurat e tyre.

Artur Zheji: Thuajeni që nuk keni para.. E humbët betejën me Bankersin. Lekët janë aty tek kompanitë që fshehin bilancet. Ju thoni që do të ulë taksat për hotelet me 5 yje dhe bizneset e mëdha fshehin taksat.

Edi Rama: Ju keni të drejtë. Në 1 janar 2018, kompanitë nuk do të kenë më bilance të dyfishta. Do të njihet bilanci që çojnë nëpër banka.

Artur Zheji: Soros ka bërë të njëjtin opinion edhe për arsimin.

Edi Rama: Në buxhetin e vitit 2018 do të jetë më i lartë se kurrë ndonjëherë. Vetëm fondi për bibliotekën shkencore është mbi gjysmë milionë dollarë. Në raport me strategjinë, ne nuk jemi akoma atje ku duhet të kemi.

Artur Zheji: Unë them që nuk ka para sepse ka fshehje të madhe të fitimit nga ana e tyre fitojnë dyfish dhe nga ana tjetër ju jeni i detyruar të bënin formulën PPP. Është borxh apo nuk është borxh? Është krizë likuideti që ju doni ta kapërceni?

Edi Rama: Buxheti i 2018 është buxheti më i madh i investimeve që Shqipëria ka bërë ndonjëherë. Është më pa pak se çfarë donim, sigurisht që është më pak.

Në këtë buxhet dhe garancia që ne kemi fal reformave që kemi bërë, na japin mundësinë që një pjesë e këtij buxheti ta përdorim për të thithur më shumë para nga Partneriteti. Ne duam të japim një shërbim më cilësor për analizat mjekësore? Po! Pse nuk e bëjmë vet? Sepse na mungon fondi. Pse e bën Gjermania?

Artur Zheji: Pse e fsheh termin borxh e thua projekt?

Edi Rama: Ne sot, publikut i thuhet që privati do të investojë 7 milionë dhe do të marrë 100 milionë. Kjo është gënjeshtër. Nëse do të bëjmë vet analizat, do të shpenzojmë mbi 5.3 mln euro për të bërë 30% të analizave. Ne marrim privatin që do të mbulojë të gjitha analizat dhe nuk do të paguajmë më 5.4 mln euro për shërbim mizerabël, por 6.4 mln euro për shërbim shumë më cilësor. Qytetarët do ta marrin shërbimin falas. Shërbimet kushtojnë, por barrën e merr përsipër shteti për ata që janë në nevojë në emër të solidaritetit që duhet t’i japim njerëzve. Duke ardhur tek rrugët, na duhet të vijmë tek rrugët e standardit evropian. Ambicia jonë është që gjitha akset të jenë me standarde evropiane brenda 4 viteve të ardhshme dhe të garantojmë rritje të ekonomisë dhe punësimit. Prandaj, futemi në partneritet me sipërmarrje private dhe bëjmë rrugën për 3 vite.

Artur Zheji: Është borxh i fshehur?

Edi Rama: Jo! Sepse nuk është para që ne e marrim se këto lekë do t’i kemi në të ardhmen. Ne e garantojmë me 5 për qind të buxhetit tonë. Të gjitha partneritetet kanë zërin e tyre.

Zheji: Një sipërmarrës serioz. Shefqet Kastrati një nga biznesmenët që kanë likuiditet në këtë vend. Afrohet tek lista e koncesioneve dhe e sheh. Çfarë do të fitojë? Ka garanci se do t’i marrë lekët?

Rama: Do të fitojë atë që fiton çdo kompani kur bën një kontratë me shtetin. Shteti nuk i del më shtrenjtë sepse nga i gjithë ky program do të fitojë nga një sërë drejtimesh. Do ketë mbrapa rritje të ardhurash, ekonomike dhe të punësimit.

Jo më larg se dje ka ardhur një nga emrat e mëdhenj të hotelerisë botërore për të investuar. Kërkesat që kurse kemi shpallur këtë projekt kanë ardhur më shumë kërkesa se në 20 vite.

Çështja e Himarës dhe bisedimet në Kretë

Artur Zheji: Kohët e fundit ka pasur një debat lidhur me çështjen e Himarës dhe një marrëveshje e Kretës. Mund të na jepni ndonjë lajm? Sidomos për marrëveshjen e Kretës se për Himarën kam qenë dakord me ju.

Edi Rama: Për planin e Himarës të shkojnë në gjykatë. Gjykatat janë maskaradë dhe i fusin thikën shtetit. S’ka marrëveshje. Ka një negociatë të hapur dhe gjëja më e rëndësishme është që të gjitha gjërat e mbartura prej vitesh që shfaqen herë si gurë dhe herë si gjarpërinj janë në tavolinë për t’u zgjidhur dhe në funksion të stabilizimit të marrëdhënieve.

Vrasjet e bujshme

Artur Zheji: Nuk ka asnjë shenjë që ka vullnet për zbardhjen e vrasjeve si të Artan Santos. Nuk mund të bëni një gjest që disa vrasje të mëdha të kërkoni zbardhjen e tyre?

Edi Rama: Kur një vrasje nuk zbulohet nuk barazohet me mungesën e vullnetit. Ne të gjithë atyre që janë përfshirë në këtë fazë të dytë, u kemi kërkuar shumë gjëra dhe do t’i shkojmë mbrapa shumë gjërave që mund të konsiderohen të mbyllura me kapak përgjithmonë.

PJESA E KATERT

"Litari në shtëpinë e të varurit", ja debati mes Ramës dhe Zhejit

Artur Zheji: Ju kishit 3 gjëra kryesore, timoni, tepsia dhe kazani. Timoni ishte për pushtetin, tepsia ishte për të gjithë që do donin të bënin koalicion me ju sepse ju prish punë dhe kazani ishte ato që nuk dua ti përmend, mediat, qoftë ato italiane. I kemi përmendur kaq shumë sa nuk kam pasion masioizmin, nuk e kam qejf vetëpërbaltjen.

Edi Rama: Apo nuk përmend litarin në shtëpinë e të varurit.

Artur Zheji: Dakort, nëse unë i bie të jem litari, i varuri jeni ju. Keni 7 bodigardë, nuk dua të rrezikoj.

Edi Rama: Litari është kazani.

Artur Zheji: Nuk ma mban, kam kalamaj për të rritur. Nëse unë jam litari. Fjalë për fjalë kini kujdes se unë nuk jam zonjushë apo djalosh. Kur më thoni litari në shtëpinë e të varurit, dikush është i varuri në atë shtëpi. Meqenese unë jam litari, faleminderit shumë, i varuri jeni ju.

Edi Rama: Litari është kazani. Unë thashë pse të mos përmendim kazanin, ju thatë mos ta përmendim më mirë dhe thashë, apo nuk përmendet litari në shtëpinë e të varurit.

Artur Zheji: Mirë, dakort. Kjo është mënyra për të pranuar që nuk ishe aq perfekt në një moment.

Edi Rama: Ndërkohë që tepsia nuk është ajo që thatë ju, është dicka tjetër. Tepsia është pastrimi i një sistemi apo shpëtimi nga një sistem që e ktheu në tepsi dhe pastrimi i zyrave të shtetit nga trajtimi i misionit publik si një mundësi për të strehuar në ato zyra grabitqarë dhe parazitë që keqtrajtojnë qytetarët.

Rama shpjegon çfarë është Rilindja

Artur Zheji: Rilindja çfarë është?

Edi Rama: Rilindja nuk ësjhtë një bijëz e integruar në PS. Është një vizion i mishëruar në një program për të rilindur Shqipërinë dhe për të adresuar ato probleme të rënda që u trashëguan në shumë vite.

Artur Zheji: Këtë e kemi dëgjuar

Edi Rama: PS është një forcë që doli para shqiptarëve me një vizion të ri, program të rid he u kërkoi votën për një Rilindje të Shqipërisë

Artur Zheji: Sapo e thatë, është një fidan brenda PS

Edi Rama: Vizioni juaj nuk është organizëm, është përfytyrimi i organizmit tuaj

Artur Zheji: Ky shartim i Rilindjes është e majtë e djathtë, apo një rrugë e tretë?

Edi Rama: Rilindja është një vizion i një partie të shekullit të ri. Po është një parti e rrugës së tretë

Rama: 40 subjekte akuzohen për mashtrim, fshehje tvsh dhe evazion fiskal

Artur Zheji: Sa evazore te medhenj keni cuar në ndjekje penale?

Edi Rama: 40 subjekte që akuzohen për disa vepra, që nga skemat mashtruese tek fshehja e TVSH, evazioni fiskal

Artur Zheji: Janë publike këto

Edi Rama: 40 subjekte vetëm në dy muajt e fundit për skema mashtrimi, fshehje të tvsh për një shumë që kalon 4 mld lekë të reja. Prej nesh janë dorëzuar për ndjekje penale. Ndërkohë që një numër tjetër ka shkuar për ndjekje penale që në mandatin e kaluar dhe për fat të keq nuk ka ndodhur asgjë.

Artur Zheji: Keni emra?

Edi Rama: Nuk preferoj të them emra, por emra të kompanive të mëdhaja. Të gjithë turfullima e kazanit se ne ju qepemi pas të vegjëlve e jo të mëdhejve është e pabazë pasi në vazhdimësi dhe në këtë fazë të luftës kundër informalitetit do ta thellojmë dhe më shumë. Për këte unë kam kërkuar një ndihmë ekstra nga njerëz me reptuacion që kanë punuar me FBI të vijnë të na asistojnë për luftën kundër krimit ekonomik. Me shpresën që pasi këto dy aspekte të luftës së koordinuar mes policisë së shtetit dhe Ministrisë së Financave të kenë një rritje në cilësi, nuk do ketë më prokurorë për tu fshehur pas alibisë për të mos cuar prapa hekurave ata që mashtrojnë publikun.

Unë nuk shkoj në restorante me bosa

…..

Edi Rama: Mua nuk më shikon njeri në restorant me bosa, unë në restorant shkojë me familjen time ose me miq të ardhur nga jashtë vendit. Nga ana tjetër unë kam respektin më të madh dhe ne japim mbështetjen më të madhe të mundshme për sipërmarësit e mëdhenj që janë motorët e zhvillimit të vendit.

Artur Zheji: Ju keni ndërmarrë një aksin për të detaksuar hotelet me 4-5 yjë nga TVSH-ja

Edi Rama: Është e pasaktë. TVSH 6% është për të gjitha hotelet. Për ato me 4-5 Yjë do të hiqet taksa mbi pronën, taksa e fitimit dhe taksa për marrjen e lejës për 10 vjet.

Artur Zheji: Kjo nuk ka lidhje me TVSH?

Edi Rama: Jo

Artur Zheji: Këto lehtësira fiskalë që këni ndërmarrë për hotelet me 4-5 yjë ju morët shembullin e Malit të Zi. Nuk keni bërë lehtësira fiskalë për shprtën që Mali i Zi e ka 7%, ndërsa ky buxhet e ka 20%

Edi Rama: Lufta kundër varfërisë nuk bëhet pa u pasuruar. Problemi nuk janë të pasurit, probemi është varfëria dhe sa më shumë ne të kemi investime, aq më shumë ne kemi spostim të mëtejshëm përpara në luftën kundër varfërisë. Hotelet me 4-5 yjë të certifikuar globalisht, jo yjet që i presin vetë, sjellin rritje ekonomike, rritje të punësimit.

Mali i Zi është një vend më i zhvilluar sesa ne sensin e të ardhurave sepse ka investuar më shumë në këtë sektor strategjik ku tek ne jo vetëm që nuk është investuar, por është investuar keq dhe me një inerci që është kthyer në boomerang.

Sa i përket çështjes së shportës, ulja e TVSH tek shporta do të vijë si rezultat i një procesi të vendosjes në kontroll te sistemit. Ne jemi akona në një betejë për të ulur informalitetin. Të ardhurat që Shqipëria ka marrë nga taksat në  Prodhimin Kombëtar kanë pasur kur ne kemi marrë qeverinë përqindjen më të ulët krahasuar me të gjitha vendet e Rajonit.

Artur Zheji: Ke dhënë lehtësira luksit dhe ke lënë qumshtin e minatorit 20% më shtrenjt

Edi Rama: Nuk është lehtësi për luksin, por lehtësi për të stimuluar ekonominë shqiptare. Është lehtësi për punësimin real.

Artur Zheji: Po djali i minatorit pse duhet ta marrë gotën e qumshtit 20% më shtrenjtë?

Edi Rama: Nuk e merr 20% më shtrenjtë se me këtë logjikë i bie që ushqimet në Mal të Zi të ishin 20% më të lira, gjë që nuk është e vërtetë.

Artur Zheji: Nuk keni qenë në Mal të Zi zoti kryeminisër, keni qenë nëpër hotele. Shqiptarët shkojnë blejnë në Mal të Zi…

Edi Rama: Nuk është e vërtetë. Nuk ka lidhje kjo me tvsh e shportës. Çmimet i cakton tregu

Artur Zheji: A keni zotësinë që ti zhvilloni paralel, ta zhvillojmë turizmin, por edhe djali i minatorit të pijë dy gota qumësht.

Edi Rama: Që djali i minatorit, që ju abuzoni në këtë rast dhe nuk e di pse abuzoni, të kenë më shumë nesër duhet që Shqipëria të këtë një ekonomi më të fortë dhe kjo bëhet përmes investimeve dhe investimet që sjellin më shumë para janë ato në sektorin e turizmit në këtë nivel.  Ato që sjellin një numër të kufizuar hotele me 5 yje nuk i sjellin 1 mijë hotele të marra sëbashku.

Unë kam sjellë një gjë meqë përmende djalin e minatorit dhe ju shoh shumë të apasionuar për të thithur secili sado pak gjak minatori,…

Artur Zheji: Unë thith gjak minatori?! Jo mo se nuk jam unë.

Edi Rama: Ëshë simbolike. Unë po ju them këtë gjë. Kjo është miniera e Bulqizës në 2005. Kjo minierë deri në 2005 nuk kishte investime por shfrytëzohej në mënyrë racionale dhe nuk ishte kthyer në objekt për të gjithë grabitqarët nga Tirana drejt Bulqiës për të nxjerrë fitime mbi vuajtjet dhe mbi shkatërrimin e kësaj pasurie me pasojë edhe vdekje njerëzish.

Kjo është miniera pas 2005. Ka ndodhur ky copëzim dhe ky copëzim ka ndodhur për një arsye shumë të thjeshtë. Në gjithë këtë zonë nga viti 2005 ka filluar të rritet kurba e koncesioneve. Janë 42 koncesione për shfrytëzimin barbar të kësaj pasurie, për gëryerjen, marrjen ikjen dhe duke lënë pas kufoma. 

Pas vitit 2013 janë hequr një sërë lejesh minerare dhe janë mbyllur ato pjesë të kësaj zone që ishin me rrezik për jetën. Së dyti nga viti 2013 deri sot në Bulqizë janë investuar 34 milionë dollarë pasi është vënë rend në atë zonë nga koncesionari dhe rroga e nëntokës në zonën që është nën kontroll ka shkuar 870 mijë lekë në muaj.

Artur Zheji: Nuk mund të bësh sponsorin e një kompanie private se nuk ka sens. Nuk e pranoj dot. Po bën rekalëm

Edi Rama: Po flas për rrogën 870 mijë lekë

Artur Zheji: Çlidhje ka kjo më shampanjën dhe gotën e qumshtit. Nuk ka krahasim kjo që thua.

Edi Rama: Deri në 2013 kishte qindra fëmijë, sot numërohen me gishtat e dorës


PJESA E TRETË

“Saimir Tahiri”, Rama: Kuvendi nuk është një fushë me domate me 140 hunj

Artur Zheji: Aktualiteti na imponoi të përqendrohemi kryesisht dhe u prodhua edhe një lajm i madh që ka një kallëzim dhe një hetim...

Edi Rama: Ku e keni dëgjuar, në cilën botë që prokurorët janë të pa kallëzueshëm dhe që prokuroria nuk mund të hetojë edhe prokurorët që shkelin ligjin. Edhe një informacion tjetër nga Norvegjia. Shefi i antidrogës në Norvegji që është policia në mos gabohem ndan vendin e parë apo të dytë me Finlandën, është dënuar me 21 vite. Lufta me korrupsionin dhe kriminalizimin e brendshëm është një luftë që çdo shtet dhe polici e bën për të pastruar vetveten.

Artur Zheji: Këtu nuk kemi asnjë arrestim. ....

Edi Rama: Arrestim me burg për çdo qytetar bazuar në përgjimin e disa individeve, është e papranueshme.

Artur Zheji: Juve politikisht i bllokuat dhe nuk e përcakton ti që janë ata. Atë e bënte shoku Enver.

Edi Rama: Mbi mua dhe ju është Republika e Shqipërisë, e cila i kërkon Këshillit të Mandateve që të japë opinion. Kuvendi nuk është një fushë me domate me 140 hunj gardhi. Kjo procedurë nuk është formale. Ndërkohë në Itali, parlamenti italian shkon edhe pak më lart; rrëzon gjykatën. Në Kushtetutën tonë Prokuroria i kërkon të drejtën jo për imunitetin, por për rastin kur kërkon arrestim i drejtohet Kuvendit. Në Itali, prokuroria shkon në Gjykatë dhe Gjykata shkon në Parlament dhe Parlamenti ka të drejtën ti thotë dhe ik se nuk më bind.

Kushtetuta e Shqipërisë me kërkesë të PS-së ka shkuar më tutje për heqjen e imunitetit për të filluar hetimet dhe në momentet kur kërkon arrestimin duhet të vijë ta kërkojë në parlament mbi bazë provash dhe jo bindjesh. Nuk mundet dot që Kuvendi të ngrejë dorë që të arrestohen njerëz pa prova.

Artur Zheji: Janë arrestuar njerëz për vjedhje të energjisë elektrike.

Edi Rama: Është vjedhje e provuar. Nuk janë arrestuar mbi bazën e përgjimit të komshinjve që ky tjetri po vjedh energjinë. Dyshim i arsyeshem do të thotë dyshim i bazuar në prova.

Artur Zheji: Është kompetencë, mund të jetë e lajthitur por është kompetencë.

Edi Rama: Fjala i arsyeshëm nuk shpall fajësinë por ngre akuzën.

Artur Zheji: Mbasi të merrte nga parlamenti semaforin jeshil ky vendim shkonte në Gjykatë dhe gjykata mund ta hidhte poshtë. Ky është një skandal që nga njëra anë verbalisht e lëshove Saimir Tahirin, sepse the mund te jetë një vemje nëse...i hoqe të gjitha gradat dhe funksionet ne parti por e mbrojtje në momentin ekstrem sepse nuk i rezistove dot presionit.

Edi Rama: Nuk mbrojtëm personin. Mbrojtëm të drejtat dhe liritë kushtetuese që nuk mund t’i shkelë askush në këtë vend. Në qoftë se Prokuroria do të vinte të kërkonte arrestimin e Sali Berishës me të njëjtën dosje, e argumente, të jesh i sigurt që kurrë nuk do të votonim për arrestimin. Sepse nuk mund ta arrestosh tjetrin duke thene se unë mendoj.

Artur Zheji: Kishe përgjimet e italianëve..

Edi Rama: Përgjimet e dy njerëzve të tjerë. Gjithkush mund të flasë për mua. Komisioni i Venecias e ka përcaktuar shumë qartë.

Në kushtet kur mungon opozita, jemi të detyruar të bëjmë auto-opozitarizëm 

Artur Zheji: Zt. Rama ju ndoqa me vëmendje..keni një përsosje të retorikës. Sa më në siklet jeni aq më i përsosur bëheni në komunikim publik. Merrni mbi shpatulla dhe mëkatet e të tjerëve. Vura re që në fitoren e kontestuar elektorale të 25 qershorit nga OSBE/ODIHR. Ke një sens autoopozitarizmi dhe e vura re gjatë aksionit kundër thertoreve kur emëruat drejtorin e ri të AKU dhe u turre kundër thertoreve sikur ishe një kryeministër që nuk ishe para 25 qershorit. Të ndihmon kjo?

Edi Rama: Kur e kam thënë unë që në fund të mandatit të parë mbaruan problemet?! Në mungesë të opozitës ne jemi opozita më e mirë e vetvetes. Në mungesë të një opozite që merret me problemet dhe jo me personat, në mungesë të një opozite që lufton me krimin për të më luftuar mua, ne sigurisht do të bëjmë edhe autoopozitarizmin. Po të kishim një opozitë me alternativë, nuk do të ishim autoopozitar. Nuk e kam zakon diversionin.

Artur Zheji: 17 majin e kaluar.

Edi Rama: Diversion?

Artur Zheji: I paparë! E morët 6-7 orë dhe në seancën e fundit parlamentare i thatë Lul do të ulesh me mua. Nuk është diversion.

Edi Rama: Nuk është diversion fare. Është parimi logjik që për të zgjidhur problemet të ftosh opozitën të ulesh në tryezë.

Artur Zheji: Vazhdon apo jo marrëveshja e 17 majit me zt.Basha?

Edi Rama: Për fat të keq, Lulzim Basha e ka çuar marrëveshjen në buzë të varrit. Ajo që kam thënë është të mos e varros por ta ringjallë në funksion të interesave që i shçërben vendit dhe jo një lufte politike që e ka frymëzimin tek burimi i tharë i pushtetit.

Artur Zheji: Ka kritere matëse kush është opozita e vërtetë? Sollët njerëzit më 21 janar u përleshët me policinë e shtetit. Këtë duhet të bëjë Lulzim Basha.

Edi Rama: Nuk besoj se 4 të vrarë mund të krahasohen me 4 këmbët e karriges së pushtetit.

Artur Zheji: Të ka dëgjuar shumë për të goditur në mënyrë simetrike LSI-në. Pse nuk morët dëshmitarë dhe donit të ishit vetëm? Nuk ka krim pa gjurmë. Ai ka thënë bakllava, revani dhe ju thoni kazan. Ju i dhatë një udhëzim të gabuar që të godiste LSI-në. Unë ta kam quajtur dinakëri të paparë.

Edi Rama: Lulzim Basha gjatë fushatës u ka kërkuar skllevërve të SHPK-së të Monikës që të kthehen në shtëpinë e tyre.

Artur Zheji: Si të lindi ideja që të bëje atë gjest me Bashën jashtë?

Edi Rama: Kur themi mirëmëngjesi dhe mirëmbrëma nuk kemi në mendje ide. Me Bashën ishte një marrëveshje historike për vendin, sepse i dha mundësinë që t’i japë vendit zgjedhjet më të mira që ka bërë edhe nga pikëpamja e ndotjes së mjedisit. Kaloi edhe një periudhë shumë të qetë para dhe pas zgjedhore.

Artur Zheji: Praktikisht arritët të fundosni kundërshtarin tuaj me 200 mijë vota. Kjo ka qenë gjeniale dhe demoniale.

Edi Rama: Ua kam thënë të gjithëve që PS do të marrë më shumë vota, sepse unë bëj anketime të përmuajshme të opinionit publik dhe mbi këtë bazë kam thënë.

PJESA E DYTË


Artur Zheji: Jeni apo luani rolin e  njeriut të  mashtruar?

Edi Rama: Nuk luaj fare rolin e njeriut të mashtruar sepse për aq kohë sa nuk e thotë drejtësia unë nuk luaj ndonjë rol.

Artur Zheji: Jeni  në dy pamje, i keq informuar nga ish-ministri…?

Edi Rama: Këtë thoni ju, nuk e ka thënë drejtësia

Artur Zheji: Sensi i besimit nuk shkon tek investigimi njerëzor

Edi Rama: Nuk është fare kështu

Artur Zheji: E njëjta polici që ka korrur suksese

Edi Rama: Është po ajo

Artur Zheji: Është po ajo por kësaj radhe theksi vihet te  korpusi i saj që duhet pastruar.

Edi Rama: Me siguri ju keni dëgjuar policinë e Nju Jorkut. Është një polici që në një cikël 10 vjecar ajo hyn në porcese pastrimi të brendshëm për të cliruar veten nga korpuse të lidhura me krimin dhe korrupsionin. Çdo polici ka brenda vetes kërcënimin e brendshëm nga persona të inkriminuar

Artur Zheji: Në çfarë nivelesh?

Edi Rama: Psh, policia më e pakorruptuar e Europës, prej shumë vitesh është policia finlandeze. Pra disa muajsh u arrestua drejtori i policisë finlandeze sepse u zbuluan lidhje të tij me botën e nëndhenshme. Që do të thotë që ne në luftën, se këtë gjë është mirë që njerëzit ta dëgjojnë jo ta kuptojnë se e kuptojnë më mirë se ju. Ne e kemi hapur një luftë me një fenomen që ishte ulur këmba kryq. Ishte një territor prej 360 kusur ha….

Artur Zheji: Akoma me Lazaratin..?

Edi Rama: Unë po them që kishim një situatë me fenomenin e ulur këmba kryq ku Lazarati ishte shfaqja burtale. Sic tregojnë dokumentat të policisë së shtetit më parë ishte një fenomen i shtrirë në të gjithë territorin. Ne hapëm një luftë që zhvillohej paralelisht. Policia kundër kanabisit dhe policia ne procesin e ringritjes

Artur Zheji: Kur ndodhi kjo?

Edi Rama: Në 2013 kur morëm detyrën. Janë proceduar me masa penale apo disiplinore më shumë se 1 mijë trupa të policisë të të gjitha niveleve. Në procesin e kësaj luftë ka pasur edhe korruptim në nivele të ndryshme të policisë së shtetit. Kanabisi si kultivim do të çrënjoset, por ne do të shkojmë pas grupeve kriminale dhe brenda atyre që në polici kanë tradhëtuar?

A ka përgjegjësi Haki Çako? Rama pergjigjet

Artur Zheji: E ke me fakte këtë? Ja vërteton dot ndërkombëtarëve?  Tani drejtorët e komisariteve bien, të tjerë do bien. Ke një ministër fatkeq që i ka dalë emri në ca përgjime por mund të jetë dhe vemie.  Ke drejtorin e policisë, zotin Çako që nuk i hyn një gjëmb në këmb. Ai s’ka ndonjë përgjegjësi? Ai të paktën për pakujdesi, s’mund të japi dorëheqjen?! Si ka mundësi gjithë këta drejtorë komisiariati dhe gjithë këta të inkriminuar në polici, do të vijë dhe poligrafi për të matur makinën e së vërtetës. Drejtorit të policisë do ia vendosësh ti makinën e së vërtetës, tek për tek, si i bëhet, apo ti beson verbësisht edhe tek zoti Çako?

Drejtori Çako nuk ka përgjegjësi, ai nuk mund të japë dorëheqjen? Apo ti beson te Çako?

Edi Rama: Së pari as 2, as 7, as 27 nuk e zhbëjnë punën dhe përpjekjet e arritur nga mijëra të tjerë. Së dyti ne e kemi deklaruar përpara sesa të dilte kjo çështje dhe të vendosej në rendin e ditës se do të bënim veting në polici. Ky projekt ka nisur kur ministër i Brendshëm është vendosur Xhafaj. Ambicja jonë nuk kufizohet për atë që kemi bërë. Ambicja ime është që në 8 vjet te kemi një polici shteti që renditet ne mesataren e mirë Europiane. Kurrë nuk kam thënë që çka kemi bërë mjafton dhe kënaq. Poligrafi është pjesë e procesit te vettingut në Policinë e Shtetit. Kam qenë unë që kam shkuar në Uashington, bashkë me Tahirin, për të firmosur marrëveshjen e memorandumit me FBI. Unë kam kërkuar këtë gjë sa herë më është dhënë mundësia.  Sot FBI është prezente këtu falë kësaj këmbëngulje. Jam unë që po punoj bashkë me të tjerë për të sjellë forca të reja që vijnë nga FBI

Artur Zheji: Ke pranuar humbjen dmth që sjell këta?

Edi Rama: Kur e kam pranuar?

Artur Zheji: Nuk e ke pranuar asnjëherë por duhet ta pranosh me ndershmëri

Edi Rama: Unë kam kërkuar mbështetje në dije, jo vetëm për këtë sektor, por për të gjithë sektorët me interes strategjik.

Artur Zheji: Pra ke pasur parandjenjë…më bind ?

Edi Rama: Tja lemë atyre që na ndjekin që ta dinë kush është i mençuri dhe kush është budallai në këtë bisedë.

Artur Zheji: Unë po të isha budallai gjysjma e të keqes, kam frikë se bëni për budalla popullin?

Edi Rama: Unë po them gjërat që mendoj, të tjerët le të gjykojnë.

Rama: Ja çfarë i kam kërkuar liderve të BE

Artur Zheji: Financial Times  është serioze apo jo

Edi Rama: Natyrisht që nuk është kazan

Artur Zheji: Kur thotë që droga dhe krimi shqiptar është një fenomen europian

Edi Rama: Varet në çfarë konteksti e ka thënë. Ju i referoheni shkrimit që unë kam bërë në Financial Times dhe i cili u interpretua në mënyrën më qesharake sikur unë kam kërkuar ndihmë për të luftuar këtë fenomen këtu. Ndërkohë ajo që unë kam thënë dhe që kam thënë në letrën drejtuar liderve të BE ka qenë: Ne ia dolëm të zhbëjmë kanabisin, tani beteja vazhdon për të kapur elementët kriminale, rrjetet kriminal dhe kjo është një betejë e përbashkët, jo që të vinë ata këtu ti kapin, por të kuptohet qartë që këto rrjete janë rrjete të ndërlidhura. Nuk janë rrjete me markë ekskluzivisht shqiptare. Është shumë e lehtë ti bësh shqiptaret fajtore. Ndërkohë që e vërteta është krejt ndryshe.

Artur Zheji: Me vjen mirë që nuk ju kam keqkuptuar vetëm unë, edhe gazetarët e FT ju kanë keqkuptuar.

Edi Rama: Ata nuk kanë keqkuptuar asgjë, sepse atë e kam shkruar unë. Titullin gazetat serioze e vendosin në bashkëpunim me autorin. Nuk janë si gazetat ketu që të ndërrojnë titullin dhe ta vënë sipas qejfit.

Artur Zheji: Pse ne na thua që jemi drejt suksesit dhe në Amerikë bën  interesantin dhe  thua alarm është ky problem.

Edi Rama: Kam folur për krimin e organizuar të shtrirë ndërkombëtarisht dhe kam kërkuar përpjekjen e përbashkët dhe jo lënien vetëm shqiptarëve. Ka një përpjekje të madhe që bëhet në zona të ndryshme të Europës nga forca të ndryshme që nuk janë qeveritë e këtyre vendeve. Dhe në bashkëpunim me financues, këtu nga brenda, për ta bërë Shqipërinë pleh, dhe për tjua lënë Shqipërisë një njollë,  gjë që shqiptarët nuk e meritojnë. Nëse më thoni këtu krimi etnik shqiptar unë këtë e marr si ofendim për vendim tim.

Artur Zheji: E kuptoni që ndoshta dështimi, ky superprodhim kanabis  ka inkurajuar këta shqiptarë? 

Edi Rama: Më vjen keq se ju keni jetuar dhe në Itali. Sikur në Itali përgjimet të bënin rendin e ditës të të gjithë bisedave unë mendoj që Itali nuk do kishte Parlament fare.

Artur Zheji: Kjo është e vërtetë dhe ka ndodhur, por nëse do kishte përgjime të një ministri të Brendshëm binte qeveria atje.

Edi Rama: Binte mbi bazën e përgjimeve?!

Artur Zheji: Po po

Edi Rama: Asnjë i akuzuar në Itali  dhe të akuzuarit në Itali, deputetë e senatorë, janë shumë herë në historik, të akuzuar se në këtë botën tonë, nuk ka pasur refleks as mbi mazhorancën as mbi opinionin publik ndonjë përmbysje për shkak të përgjimeve. Italia aq shumë hoqi nga ky llum i madh, ku me përgjime u bë baltë dynjaja nëpër gazeta sa ka vënë një legjislacion strikt dhe nuk dalin këto llumra që shkatërrojnë opinionin publik.

Artur Zheji: Po është për jetën private

Edi Rama: Nuk është ashtu

Përgjimet e Prokurorisë së Katanias kanë dalë nga mediat shqiptare

Artur Zheji: Meqë më pyete për eksperiencën time në Itali kjo është. Në Francë nuk kanë ndodhur përgjime për drogë. E ka fajin Prokuroria e Katanias që nxori ato përgjime

Edi Rama: Prokuroria e Katanias nuk ka nxjerrë asgjë. Ato përgjime janë në dosjen e mbyllur hetimore dhe prokuroria ia çoi gjykatës. Ato përgjime janë nxjerrë në median shqiptare.

Artur Zheji: Italiane jo ë? Jeni i sigurt?

Edi Rama: Në median shqiptare

Artur Zheji: Paska një konspiracion kaq të madh…

Edi Rama: Nuk fola për konspiracion

Artur Zheji: Nëse mediat shqiptare ia merr prokurorisë së Katanias në Sicili këto përgjimet imagjinoni është kjo “media kriminale” që ia merr Prokurorisë shqiptare për këta 3 komisarët.

Edi Rama: Unë nuk thashë që ia mori. Ajo është në katet gjyqësore. Opinioni publik meriton të dijë të vërtetën dhe të vërtetën e mëson në dy rrugë: Në rrugën e drejtësisë dhe në rrugën e investigimit të drejtë në botën e medias. 

Drejtësia nuk ka folur akoma ndërsa në kazanin e medias është bërë një mish mash. Unë kam një qëndrim te qartë. Mbi këtë çështje nuk komentoj për përmbajtjen. Nuk komentoj për  fajësinë apo pafajësinë e kujtdo sot dhe nesër që ka një çështje për të zgjidhur me drejtësinë. Unë nuk jam Saliu që sulmonte Prokurorinë kur Prokuroria ngrinte akuzë për ministrat e tij.

Artur Zheji: Do ta sulmosh nesër. Nesër marrin kallëzim penal ata nga ministri i Brendshëm…Ky është shantazh i frikshëm

Edi Rama: Jemi në kushtet e një kazanizimi live.

Artur Zheji: Tani e keni harruar sepse unë të citova drejt.

Edi Rama: Unë thashë që ministri i Brendhëm ka ndërmarrë me iniciative një kallëzim lidhur me këtë rast duke kërkuar hetim për nxjerrje të sekretit të operacionit. Nuk ka kallëzuar prokurorët.


PJESA E PARE

Rama: Xhafaj kallëzim penal për dekonspirim të operacioneve

Zheji: Policia nuk ka mundur të kapë tre persona që janë ish-shefa policie në Vlorë dhe opozita mendon se ju jeni bashkëpunëtorë me ta?

Rama: Shprehja kësaj radhe më duket jo fort në përputhje me realitetin e përditshëm të policisë së shtetit, e cila është në aktivitet intensiv. Gjatë këtij viti, policia ka shifrën më të lartë të zbulueshmërisë së krimeve në historikun e shifrave. Dhe këtë vit, Shqipëria ka numrin më të ulët të vrasjeve. Për sa i përket rastit konkret, unë nuk dua të bëj replika.

Artur Zheji: Ka edhe personazhe të tjera si Klement Balili që nuk janë kapur. Për ndryshe nuk do të ngrinit një task forcë.

Edi Rama: Thjesht nuk mu duk në përputhje me realitetin e aktivitetit të përditshëm të policisë. Ka edhe raste të tilla dhe nuk ekziston në asnjë shtet që të ketë kapje 100% të autorëve të kërkuar.

Për rastin konkret, unë nuk dua të bëjë replika me opozitën. Opozita është në një proces të vetin, dhe nëse ka një subjekt që është dukshëm në drejtim të paditur është opozita. Ministri i Brendshëm nesër do të materializojë një kallëzim penal për të kërkuar një hetim të plotë për dekonspirimin e sekretit hetimor në rastin konkret, duke përfshirë të gjithë ata që kanë pasur dijeni, përfshirë edhe vetveten, dhe duke vënë në dispozicion të organeve të hetimit të gjithë gatishmërinë e palës që përfaqëson, në këtë rast pushtetin ekzekutiv dhe policinë, duke kërkuar të vihen në gatishmëri për hetimin edhe të tjerët edhe veten.

Artur Zheji: Unë po them një rast. Tre funksionarë të lartë të Policisë së Shtetit, ndërkohë që ju thoni se po bëhet kallëzim penal. Ju akuzoni Prokurorinë se po dekonspiron ata që heton?

Edi Rama: Ministri i Brendshëm nesër do të materializojë kallëzimin penal për dekonspirim të sekretit të këtij procesi për të cilët ju thatë se opozita më ka akuzuar mua. Dhe Ministri i Brendshëm do të kërkojë të hetohet rasti për të gjithë ata që kanë pasur dijeni për operacionin përfshi edhe veten.

Artur Zheji: Do të kallëzojë Fatmir Xhafaj, Fatmir Xhafën apo do të hetohet edhe opozita?

Shume pak dinin operacionin e arrestimit

Edi Rama: Unë po them diçka shumë të thjeshtë.  Është një rast, i cili për fat të keq, në mënyrë të përsëritur del në media e tribuna politike, përpara sesa të materializohet një operacion. 

Në rastin konkret ekziston dyshimi i arsyeshëm që është dekonspiruar operacioni.  Ajo që duhet të bëjë e do të bëjë, ministri i Brendshëm është të kërkojë hetim për rastet e përsëritura.  Nuk bëhet fjalë për të kallëzuar opozitën dhe median, por personat në dijeni për operacionin.

Ministri i Brendshëm nuk autorizon hetime, bën një kallëzim penal. Do vërë në dispozicion vetveten, si dhe gjithë pala që ka pasur dijeni për operacionin. Dihet kush janë me emër dhe mbiemër dhe është po ashtu edhe pala e prokurorisë sepse jemi në një situatë qesharake për një shtet, ku qytetarëve iu servilet një mish mash me gjysmë të vërteta dhe burime që dekonspirohen në mënyrë të vazhdueshme.  Në rastin konkret, numri i personave që kanë pasur dijeni është i kufizuar. dhe është mundësia për të pasur hetim konkret për të shkuar drejt dekonspiruesit, sepse kjo histori nuk mund të vazhdojë kështu.

Artur Zheji: Këtë hetim zt.Xhafaj do ta ndërmarrë për radhët e policisë së shtetit?

Edi Rama: Organi i hetimit në këtë vend është Prokuroria dhe jo Ministri i Brendshem.

Artur Zheji: Nga njëra anë, Prokuroria ka ndërmarrë një hetim dhe nga ana tjetër i ka dekonspiruar...

Edi Rama: Unë them kush është përmbajtja që ministri i Brendshëm do të materializojë ditën e nesërme. Nuk ka në këtë kallëzim asnjë tërheqje nga përgjegjësia, por domosdoshmëri për t’i shkuar deri në fund me një hetimi konkret për një rast konkret në një situatë qesharake, ku shohim përditë mediat apo podiumet politike kanë marrë përsipër të bëjnë gjyqe bazuar në të ashtuquajtura burime. 

Këto burime janë keqpërdoruar, abuzuar nga njerëzit që në shkelje flagrante të ligjit komunikojnë me partitë dhe mediat për një detyrë që ligji ua ndalon ta ndajnë me mediat e partitë. Nuk është faji i mediave, por përgjegjësia ligjore e atyre.

 Nuk ka hetim ndërkombëtar për Tahirin

Artur Zheji: Po sikur, këto organe të kenë frikë se janë shumë të fuqishëm këta njerëz që hetohen dhe dalje e emrit i bën vunerabël dhe e detyron ministrinë e Brendshme për të marrë masa dhe juve për t’i djegur përfundimisht këta....Këta zotërinj kanë qenë drejtorë në Komisariatin e Vlorës. Kjo rastësisht përputhet me një hetim ndërkombëtar të ish ministrit tuaj, Tahiri dhe dorëheqje misterioze të ish shefit të Shërbimeve Sekrete

Edi Rama: Ne nuk kemi asnjë hetim ndërkombëtar dhe as tërheqje misterioze të shefit të Shërbimit. Ka një hetim të brendshëm.

Artur Zheji: Reagimet ndërkombëtare i ke lexuar?

Edi Rama: Reagimi im dhe i PS-së është në përputhje të plotë me reagimet ndërkombëtare.

Artur Zheji: Ju keni thënë para një viti që kanabisi është një sajesë, tani po e lufton

Edi Rama: Unë nuk e kam thënë asnjëherë që lufta kundër kanabisit është sajesë. Unë nuk i tërhiqem asnjëherë asaj që kam thënë.

Artur Zheji: Unë të them ja ku ke shërbimet sekrete italiane dhe ti nuk prite ministrin e Brendshëm italian pasi shkove në Marok. Pala italiane tha se në 2016 janë mbjellë mbi 2086 ngastra me drogë.

Edi Rama: Unë e kam raportin këtu të mbjelljes së kanabisit në Shqipëri që nga viti 1991 -2017 dhe të dhënat janë të Guardia di Finanza.  Asnjëherë nuk e kam mohuar problemin. Unë kam qenë dhe jam edhe sot tërësisht refuzues të politizimit ekstrem dhe njollosjes me qëllim të vendit prej një opozite që kujtoi se gjeti çelësin e derës për hapjen  pushtetit. Në rastin konkret, me ministrin e Brendshëm italian nuk jam takuar sepse kam pasur një angazhim të ndërmarrë më parë. Me Guardia di Finanza ka qenë punë e përbashkët dhe rezultat spektakolare. 

Është e vërtetë që po Guardia di Finanza thotë se vitin e shkuar janë shkatërruar nga ato që janë identifikuar 98% ngastra e kanabisit.

Artur Zheji: Po kapen çdo ditë nga 1 ton, 2 ton dhe Minniti tha kujdes se e keni Shqipërinë plot. Por ju nuk e keni dëgjuar se ju ishit në Marok.

Edi Rama: Unë kam dëgjuar edhe kryeministrin italian dhe të gjithë partnerët ndërkombëtar që e quajnë spektakolare fitoren e shtetit ndaj këtij fenomeni.

Artur Zheji: Ata ndihen të çliruar që ti ke vendosur ta ndërpresësh se pas marijuanës shkojmë tej kokaina.

Edi Rama: Nuk është kështu. Nuk është se vendosa t’i japë fund dhe i dhashë fund e më përpara s'kisha vendosur.  Kjo është luftë dhe ju thoni me të drejtë se kapen 2 ton, 7 ton por sipas Guardia di Finanza vetëm në Lazarat prodhoheshin 900 ton. Ku shkuan? U trafikuan. Shuma e kapur deri sot, dhe shuma e shkatërruar, është shumë larg së qeni e ngjashme me shumën 7% shkatërrim që GF thotë në 2013. 

 GF thotë se sipërfaqja e mbjellë në 2016 është 30% më pak se në vitin 2013.

Nuk komentoj deklaratat e ambasadorit amerikan në OSBE

Artur Zheji: Është një personazh që quhen Herry Kanion, përfaqësuesi i SHBA në OSBE dhe ai thotë ndër të tjera se një ish-ministër i Brendshëm është i implikuar në Itali në mbështetje të trafikantëve të drogës.

Edi Rama: Kur ta keni atë në studio pyeteni atë.

Artur Zheji: Ai thotë se pengesa kryesore për zhvillimin e Shqipërisë është krimi dhe korrupsioni. Këta kanë informacione të gënjeshtërta?

Edi Rama: Nuk ka asnjë gënjeshtër, asnjë konspiracion. Nuk është i pari që e thotë. Nuk jemi ne që themi se krimi dhe korrupsioni nuk e pengon Shqipërinë. Ky është një qëndrim i thjeshtë në OSBE.

Artur Zheji: Si mund të jetë i thjeshtë kur thotë se ish-ministri i Brendshëm është përfshirë në trafik?

Edi Rama: Di që ish-ministri është nën hetim në Shqipëri dhe jo Itali dhe për sa kohë hetimi nuk ka dhënë këtë rezultat nuk jam dakord me këtë shprehje.

Artur Zheji: OSBE nuk bën komente...

Edi Rama: OSBE bën vetëm komente.

Artur Zheji: Kanë edhe ata agjentë e tyre?

Edi Rama: Nuk më rezulton. Vetëm Putini thotë se janë agjenturë.

Edi Rama: Unë jam me ju, nuk jam ti

Artur Zheji: Zt.Kryeministër me një fishkëllimë mund të thërrisni 20 gazetarë të vijnë në konferencë shtypi. Nëse juve keni ardhur në studion e Zhejit ke ardhur t’i thuash atyre që të ndjekin se këta nuk i kam problem, jam superior ndaj këtyre. Ke 20 pula që të rrinë me kamera.

Edi Rama: Unë s’u kam thënë asnjëherë pula. U kam thënë se hani pula.

Artur Zheji: Mos ju ka gënjyer Saimir Tahiri?

Edi Rama: Këtë do ta tregojë drejtësia.

Artur Zheji: Nuk kam dëgjuar ndonjëherë në fjalorin tuaj, termin vemje.

Edi Rama: Nëse drejtësia do të provojë të kundërtën e atyre për të cilat unë e kam mbështetur vazhdimisht dhe i kam dhënë besim maksimal Saimir Tahirit i qëndroj 100% asaj që kam thënë. Atëherë është jo ai që unë kam besuar, por një njeri që meriton vetëm fjalën vemje.    

Intervista u transmetu live në Youtube dhe në faqen e Ora News në Facebook.


EMISIONET