Një burrë është dënuar me tre muaj burg për falsifikimin e emrit të tij dhe adresës së shtëpisë në përpjekje për të shmangur masat e detyrueshme të vetë-izolimit të shtëpisë në Hong Kongut, sipas Departamentit të Drejtësisë të qytetit.

31-vjeçari mbërriti në Hong Kong përmes portit Shenzhen Bay në mbrëmjen e 8 Marsit.

Ai u dënua dy javë më vonë për dhënien e informacionit të rremë për një oficer të autorizuar, sipas një fletë akuze të parë nga CNN.

Udhëtarët që vijnë në Hong Kong duhet të izolohen në një vend të caktuar ose të rënë dakord nga një zyrtar i autorizuar.

Sipas fletës së akuzës, burri me vetëdije dha informacion të rremë në lidhje me adresën e vendit ku do të izolohej.

Dënimi vjen pasi qeveria e Hong Kongut njoftoi javën e kaluar se do të rritë zbatimin kundër shkeljeve të urdhrave të karantinës dhe i bëri thirrje publikut të raportojë shkeljet.

Hong Kongu aktualisht ka 641 raste të konfirmuara të koronavirusit, përfshirë katër vdekje.

/Ora News.tv/