Daçiç: Prishtina kërkon ultimatum

Daçiç: Prishtina kërkon ultimatum

Ministri i Punëve të Jashtme i Serbisë, Ivica Daçiç ka akuzuar "taktikën e Prishtinës" para dhe gjatë negociatave në Bruksel.

Prishtina nuk dëshiron dialog, por pret që Serbia nën presion të pranojë diçka për të cilën nuk do të diskutohet, diçka që do të jetë si ultimatum, ka thënë Ministri i Punëve të Jashtme i Serbisë, Ivica Daçiç.

Ai gjatë një interviste në televizionin serb “RTS” ka thënë se taktika e Prishtinës është që situata të “ashpërsohet” në mënyrë që të nxirret ndonjë vendim, si për shembull liberalizimi i vizave.

“Ata llogarisin të bëjnë tregti me këtë. Këto janë lojëra të cilat rrezikshëm e kërcënojnë këtë regjion. Kemi një rresht të incidenteve që ndodhin gjithmonë në prag të zhvillimit të dialogut”, shtoi ai, transmeton lajmi.net.

I pyetur nëse është reale të pritet që deri në fund të majit të vitit të ardhshëm, deri tek skadimi i mandatit të Përfaqësueses së Lartë për Politikë të Jashtme dhe Siguri, njëherësh edhe Zëvendës Presidente e Komisionit Evropian, Frederica Mogherini, të arrihet një marrëveshje e përbashkët, ai ka theksuar se nëse shkohet në këtë drejtim, nuk do të arrihet as deri tek pika e parë, pasi sipas tij, Prishtina është duke e “minuar dialogun”.

“Fillimisht nuk realizuan atë që kishin nënshkruar në marrëveshjen e Brukselit, e ai ka qenë kusht për mekanizma të ndryshme që do të duhej të formoheshin në Kosovë, përfshirë marrëveshjen energjetike. Tani atë temë e lidhin me disa pako të reja, të llojit nëse na pranoni në OKB, ne do ta formojmë bashkësinë e komunave me shumicë serbë. Nga kjo nuk ka asgjë. Ata llogarisin që Serbia është e dobët dhe që ajo të kthehet nga ultimatumet në mënyrë që të shtrojnë rrugën drejt inkuadrimit evropian që për ne është shumë i rëndësishëm”, theksoi ai.

EMISIONET